Zhvlerësimi i euros ka nxjerrë në një konferencë të përbashkët ministren e Financave dhe përfaqësuesit e eksportit.
Sipas ministres Delina Ibrahimaj, ministria e Financave dhe Ekonomisë do të marrë dy masa afatshkurtër për zgjidhjen e problematikës të bizneset eksportuese të dëmtuara nga rënia e euros.
Sipas saj, do të rritet likuiditeti te këto biznese, nëpërmjet ngurtësimit të pagesave të tatimfitimit.
Masa e dytë është rimbursimi më i shpejtë i TVSH-së për eksportuesit. “Rimbursimi i TVSH-së, që merret nga eksportuesit nëpërmjet administratës tatimore, nga afati kohor prej 30 ditësh, do të përfitohet brenda 3 ditësh pas paraqitjes së kërkesës”, tha ajo.
Këtë deklaratë e bëri të ditur pas përfundimit të mbledhjes së tretë me shoqatat e eksportuesve.
Alban Zusi, kryetar i shoqatës së Eksportuesve, tha se, “Jemi të shqetësuar prej javësh nga rënia e euros, pasi është dëm i madh që po i shkaktohet ekonomisë. Të parët që po e ndjejnë janë eksportuesit dhe nuk do të jetë e largët dita kur do ta ndjejnë edhe bizneset e tjera”.
Pak ditë më parë, eksportuesit zhvilluan edhe një takim me Guvernatorin e Bankës së Shëipërisë Gent Sejko, ku ishte e pranishme edhe ministrja e financave.
Lexo: BSH takim me eksportuesit: për të shmangur efektet e kursit punoni me kontratat e së ardhmes
Shoqatat llogarisin miliona euro humbje vetëm nga zhvlerësimi i euros. Shoqata Proeksport ka bërë të ditur, se humbjet e industrisë tekstile-këpucë në 3 muajt e parë të këtij viti janë 45 milionë euro krahasuar me 2022.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
