Dje në ambientet e Qendrës Rinore u zhvillua aktiviteti “Beyond barriers” në praninë e bizneseve sociale dhe donatorëve. Në pjesën e II te aktivitetit u prezantua “Laboratori i inovacionit 2.0”. Laboratori i inovacionit është një iniciativë strategjike në mbështetje të tranzicionit të të rinjve shqiptarë drejt një ekonomie të bazuar në dije dhe sipërmarrje. Qëllimi i këtij laboratori është të mbështesë plane të qëndrueshme biznesi të krijuara nga të rinjtë, të cilët janë të aftë të mbijetojnë në një treg konkurrues.
Pjesëmarrës në këtë event ishte dhe Drejtori Ekzekutiv i AIDAs, Z. Genti Beqiri, i cili ndau përvojën e Agjensisë në ndihmë të sipërmarrjeve te reja, nëpërmjet menaxhimit te fondit Startup por edhe skemave të tjera që AIDA ofron. Qëllimi i fondit, tha ai, është mbështetja e bizneseve të sapokrijuara start-up në Shqipëri me subvencionim të drejtpërdrejtë me qëllim që të përmirësohet klima dhe kushtet e operuesve te tyre.
Impakti nga përfitimi i fondit është, rritja e numrit te punonjësve, rritja e kapacitetit të kompanive, përmirësimi i cilësisë së ofrimit të shërbimeve etj. Vlen për t’u theksuar që qeveria shqiptare nëpërmjet AIDA-s ofron fonde dhe për 6 skema të tjera. Përveç të tjerave në diskutim u trajtuan edhe platformat EEN, Business Accelerator si dhe Triple Helix.
Burimi: aida.gov.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English