Zgjidhja Green RAN nga Huawei vlerësohet me çmimin "Zgjidhja më e qëndrueshme e rrjetit” - Business Magazine Albania

Zgjidhja Green RAN nga Huawei vlerësohet me çmimin “Zgjidhja më e qëndrueshme e rrjetit”

Zgjidhja Green RAN e Huawei, u vlerësua me çmimin “Zgjidhja më e qëndrueshme e rrjetit” gjatë Samitit Botëror të 5G 2021, organizuar nga Informa. Ky çmim tregon se përpjekjet e vazhdueshme të kompanisë për të sjellë risi në sistemet ndërlidhëse vlerësohen shumë në industri.

Tashmë që neutraliteti i karbonit është kthyer në një nga qëllimet kryesore botërore, Huawei po përditëson vazhdimisht zgjidhjet RAN në mënyrë që të jenë sa më miqësore me mjedisin, të minimizojnë konsumin e energjisë në pajisje, site dhe nivelet e rrjetit, dhe të ndihmojnë operatorët të ndërtojnë rrjete që mbrojnë mjedisin.

Përveç Green RAN, Huawei ka nxjerrë në treg edhe produkte të tjera që lehtësojnë punën në zhvillimin e industrisë dhe ndihmojnë operatorët të zvogëlojnë konsumimin e energjisë elektrike. MIMO-t e mëdha janë produkte më të lehta, kanë fuqi më të lartë prodhimi, konsumojnë më pak energji dhe mund të instalohen nga një person i vetëm. Huawei përshtat një sërë zgjidhjesh novatore, të tilla si superformimi i rrezeve, formimi i rrezeve të bazuara në SRS dhe MU-MIMO, për të përmirësuar dukshëm performancën e rrjetit, duke ndihmuar në rritjen e efikasitetit të energjisë së pajisjes me 20 herë.

Për të zvogëluar konsumimin e energjisë, operatorëve u vjen në ndihmë edhe thjeshtimi i sitit. Super BladeSite përdor furnizimin me energji për të furnizuar modulet RRU dhe AAU, duke rritur efikasitetin e energjisë në 97%. Ndërsa zgjidhja C-RAN mundëson që pajisjet e mëparshme që vendoseshin në dhoma të veçanta, tani të vendosen në vetëm një dhomë pajisjesh për të minimizuar numrin e kondicionerëve. Konsumi i energjisë mund të zvogëlohet deri në 30% me site të thjeshtuara.

Huawei ofron zgjidhje novatore edhe në nivelin e rrjetit për të ndihmuar në uljen e përdorimit të energjisë të rrjeteve pa ndikim në performancën e tij përmes koordinimit midis brezave të ndryshëm të frekuencave dhe teknologjive të aksesit në radio. Bashkëpunimi në shumë dimensione rrit ndjeshëm efikasitetin e energjisë në rrjet për të maksimizuar kursimin e energjisë dhe performancën e rrjetit.

Arritjet novatore kanë nevojë për promovim, prandaj realizohet çdo vit Samiti Botëror 5G, në të cilin shpërndahen 14 çmime të veçanta për bizneset që kanë bërë arritje të jashtëzakonshme në rrjetin 5G. Temat kryesore për të cilat diskutohet në samit janë: arritjet novatore në rrjetet e aksesit pa tel 5G, rrjetet kryesore cloud, automatizimi i rrjetit, aplikacionet e shërbimeve, siguria e rrjetit dhe qëndrueshmëria e rrjetit. Qëllimi i këtij aktiviteti ndërkombëtar është promovimi i rrjetit 5G dhe nxjerrja në pah e potencialit të tij.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0