Zgjidhet kryetari i ri i Shoqatës së Investitorëve të Huaj në Shqipëri

Zgjidhet kryetari i ri i Shoqatës së Investitorëve të Huaj në Shqipëri


Drejtori i Përgjithshëm i Aeroportit Ndërkombëtar të Tiranës, Z. Constantin von ALVENSLEBEN zgjidhet kryetari i ri i Shoqatës së Investitorëve të Huaj në Shqipëri.

Shoqata e Investitorëve të Huaj të Shqipërisë (FIAA) në datën 26 shkurt mbajti Asamblenë e saj Vjetore. Në këtë takim u prezantuan aktivitetet kryesore dhe programi i punës së shoqatës së bashku me sfidat kryesore të Axhendës për vitin 2020. Gjatë këtij takimi, u zgjodh Presidenti e FIAA-s së bashku me anëtarët e rinj në Bordin e Drejtorëve që do të drejtojnë Shoqatën në dy vitet e ardhshme.

Bordi i ri drejtues i FIAA-s përbëhet nga Drejtorë të Lartë të kompanive të rëndësishme në vend:

Constantin von ALVENSLEBEN, drejtori i Përgjithshëm i Aeroportit Ndërkombëtar të Tiranës, President i sapozgjedhur i FIAA-s

Elvin GURI, investitor në Telekom Albania, Anëtar i Ri i Zgjedhur në Bordin e FIAA-s

Bledar SHELLA Drejtori i Përgjithshëm i OTP Bank Albania, Anëtar i Ri i Zgjedhur në Bordin e FIAA-s

Rohan D’SOUZA, Kryetar i Kompanive SHELL në Shqipëri, i zgjedhur në vitin 2019

Znj. Stela DHAMI, Partnere e Colliers International në Shqipëri, e zgjedhur në vitin 2019

Xingyun SUN, Drejtori i Përgjithshëm i Bankers Petroleum Albania, i zgjedhur në vitin 2019

Përparim KALO, Partner në Kalo & Associates, i zgjedhur në vitin 2019

Kryetari i ri i FIAA-s, Z. Constantin von ALVENSLEBEN ka një përvojë të gjatë në menaxhimin e aeroporteve dhe aviacionit si edhe në industrinë e zhvillimit të pronave. Ai e njeh Shqipërinë dhe mjedisin e saj të biznesit që nga detyra e tij e parë si Drejtor i Përgjithshëm i TIA-s gjatë viteve 2005-2007, ku ai menaxhoi me sukses fazën fillestare në aeroportin e vetëm në Shqipëri.

Lexo këtu: Dhoma Amerikane e Tregtisë, klimë e përkeqësuar e investimeve në Shqipëri

Në Shtator të vitit 2019, Z. Constantin u zhvendos në Shqipëri përsëri, për të ndërmarrë një sfidë të re si Drejtor i Përgjithshëm i Aeroportit Ndërkombëtar të Tiranës, këtë herë në pronësi të kompanisë kineze ”China Everbright”, e cila është e themeluar dhe e regjistruar në Hong Kong.

Me 20 vjet prezencë në Shqipëri, FIAA është një partner i rëndësishëm për Shqipërinë në zhvillimin dhe integrimin ekonomik të saj. Shoqata ka konsoliduar një bashkëpunim të qëndrueshëm me autoritetet lokale dhe ndërkombëtare në vend, duke u pozicionuar si pjesë e strukturave të ndryshme këshilluese, me fokus klimën e biznesit në vend dhe tërheqjen e investime të reja.

FIAA numëron 80 kompani anëtare, mes tyre korporata të mëdha ndërkombëtare si Shell, Statkraft, banka të rëndësishme ndërkombëtare dhe kompani me përvojë në telekomunikacion, infrastrukturë, energji, real estate, etj.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0