Zef Preçi: koncensionet, rrezik i hapur për borxhin publik

Zef Preçi: koncensionet, rrezik i hapur për borxhin publik


Nga Zef Preçi

Këto ditë u përcoll në shtyp një raport i rëndësishëm i MONITOR me autore dy gazetare të mirënjohura të ekonomisë: Blerina Hoxha dhe Nertila Maho mbi rrezikun në rritje përgjithësisht nga koncesionet e tipit Partneritet Publik Privat si dhe veçanërisht nga e ashtuquajtura paketa “1 Miliard Euro” e investimeve private në infrastrukturën publike.

Ajo që mendoj se është më shqetësuese është fakti se të gjitha këto investime janë oferta të pa kërkuara d.m.th. bizneset respektive (në shumicën e rasteve oligarkë të vërtetë) akaparojnë taksat që do të mblidhen gjatë 20-30 viteve që vijnë; qeveria nuk ka asnjë master plan të zhvillimit të sektorëve përkatës ku mund të integroheshin këto investime në funksion të zhvillimit ekonomik dhe shoqëror të vendit; këto investime nuk kanë asnjë element konkurrence dhe janë gjerësisht të dyshueshëm për korrupsion në nivelet më të larta të vendim-marrjes; qeveria është e frikësuar nga ndëshkimi potencial në të ardhmen e sidomos nga pasiguria e kontrollit të saj mbi drejtësinë që sjell procesi i vetingut dhe për këtë qëllim po fshihet pas përgjegjësisë kolegjiale dhe përdorimit të Kuvendit si koracë e ndëshkimit të paligjshmërisë dhe pasojave rrënuese mbi ekonominë tonë kombëtare në dy-tri dekadat e ardhshme; asnjë nga këto investime alla-shqiptare nuk kreditohet as nga bankat tregtare vendase dhe as nga institucionet financiare ndërkombëtare që mbështesin reformat në vendin tonë.

Ky tipar i fundit i programit “1 Miliard Euro” duket se ka lehtësuar edhe mundësitë e kanalizimit të stokut të parave në cash me origjinë veprimtarinë kriminale të kultuvimit të kanabisit dhe trafikimit të drogave të rënda drejt vendeve të BE-së.

Edhe pse personalisht jam prononcuar disa herë rreth kërcënimit që përbën rritja e pakontrolluar e borxhit publik sidomos gjatë pesë viteve të fundit dhe përpiqem të ndjek dinamikën e zhvillimeve në këtë fushë, e kam të vështirë të vlerësoj se sa e mundshme dhe e afërt është përsëritja e skenarit grek të kësaj krize (krizës së borxhit publik). Aq më pak në parashikimin e pasojave të mundshme të menjëhershme të saj. Por, artikulimi i përfaqësuesit të FMN më shtyn të mendoj se situata është edhe më e rëndë nga sa mund të mendohet prej nesh. Gjithsesi mbetem i hapur ndaj mas-medias, ekspertëve të qeverisë dhe atyre të opozitës për të diskutuar e ndarë pikëpamje rreth kësaj teme.

Ndoshta kështu një ditë qeveria kthjellohet për pasojat e politikave voluntariste dhe aventurizmit ekonomik në të cilin ka futur vendin dhe opozita kupton se një Shqipëri e rrënuar ekonomikisht dhe e braktisur nga qytetarët e saj është vështirësisht e qeverisshme edhe sikur zgjedhjet të bëheshin vërtet “demokratike, të lira, të barabarta dhe të ndershme”, siç jemi mësuar të dëgjojmë në “recitimet” e raporteve ndërkombëtare të monitorimit pas çdo procesi elektoral në vendin tonë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0