Zakonet e përditshme që diferencojnë njerëzit e suksesshëm

Zakonet e përditshme që diferencojnë njerëzit e suksesshëm


“Sa herë shihni një njeri të suksesshëm, ju shihni vetëm arritjet publike, asnjëherë sakrificat personale për t’i realizuar ato”.– Vaibhav Shah

Cili është sekreti i tyre i produktivitetit?

Business Mag ka disa sugjerime bazuar në mbi 200 intervista me njerëz të suksesshëm:

Ata fokusohen te minutat, jo tek orët. Njerëzit e suksesshëm e dinë se ata kanë 1,440 minuta çdo ditë dhe se nuk ka asgjë më të çmuar se koha. Paraja humb dhe fitohet sërish, ndërsa koha nuk kthehet më. Ju duhet të zotëroni minutat për të perfeksionuar jetën tuaj.

Ata fokusohen vetëm te një gjë. Njerëzit produktivë e dinë se cila është “Detyra më e Rëndësishme” dhe punojnë për të një apo dy orë çdo mëngjes, pa ndërprerje. Cila detyrë ka impaktin më të madh në arritjen e qëllimeve tuaja? Asaj dedikojini çdo mëngjes të ditëve tuaja.

Ata i thonë ‘jo’ thuajse çdo gjëje. Miliarderi Warren Buffet ka thënë: “Diferenca midis një njeriu të suksesshëm dhe një njeriu shumë të suksesshëm është se ky i fundit i thotë ‘jo’ thuajse çdo gjëje”. Dhe James Altucher ka dhënë një këshillë “Nëse diçka nuk është ‘Po’ e fortë dhe emocionuese, atëherë është thjesht një ‘jo’”. Mos harroni! Ju keni vetëm 1,440 minuta në ditë. Mos i shpenzoni ato kot.

Ata ndjekin rregullin 80/20. 80% e rezultateve vijnë vetëm nga 20% e aktiviteteve. Njerëzit ultra-produktivë e dinë se cilat aktivitete sjellin rezultatet më të larta. Fokusohuni tek to dhe injoroni pjesën tjetër.

Ata i prekin gjërat vetëm një herë. Sa herë e keni hapur një email, e keni mbyllur me idenë për t’i kthyer përgjigje më vonë?  Pse gjithmonë email-et ngelen në inbox-in tuaj pa një përgjigje apo një përgjigje disa orë më vonë? Njerëzit e suksesshëm i “prekin gjërat vetëm një herë”. Edhe nëse ajo kërkon vetëm 5-10 minuta angazhim, ata e bëjnë menjëherë. Kështu shmangni stresin, sepse nuk do ta keni gjithë ditën në mendje dhe do të jeni më efektivë pa patur nevojë për ta rilexuar apo rivlerësuar sërish në të ardhmen.

Ata mbajnë një bllok shënimesh. Richard Branson ka thënë shpesh se nuk do të ishte në gjendje të ndërtonte Virgin pa patur një bllok shënimesh, të cilin e merr me vete kudo që shkon. Gjatë një interviste, Manjati grek i shpërndarjes Aristotle Onassis ka thënë: “Gjithmonë mbani një bllok shënimesh. Shkruani çdo gjë… Ky është një mësim një milion dollarësh që nuk jua mësojnë as në shkollë”. Njerëzit produktivë e lirojnë mendjen duke shkruajtur çdo gjë së bashku me mendimet.

Ata nuk bëjnë lista punësh. Hidheni listën e detyrave; në vend të saj planifikoni çdo gjë në kalendarin tuaj. Rezulton se vetëm 41% e detyrave të kësaj liste bëhet. Të gjitha ato që mbeten, sjellin stres dhe pagjumësi për shkak të efektit Zeigarnik, i cili në thelb do të thotë se detyrat e papërfunduara do të mbeten në mendjen tuaj deri sa t’i realizoni. Njerëzit produktivë punojnë me kalendar dhe i përmbahen atij.

Ata e shmangin zvarritjen e punëve falë udhëtimit në kohë. Nuk mund t’i besojmë vetes sonë në të ardhmen. Kjo për shkak se ne jemi kontradiktor me kohën. Ne blejmë perime sot, sepse mendojmë se do të hamë sallata të shëndetshme gjatë gjithë javës; e pastaj i hedhim perimet sepse na janë kalbur. Njerëzit e suksesshëm kuptojnë se çfarë mund të bëjnë tani për t’u siguruar që në të ardhmen kanë bërë gjënë e duhur. Parashikoni se si do të vetë-sabotoheni në të ardhmen dhe gjeni një zgjidhje sot për të mposhtur gabimet e parashikueshme.

/EmotionalIntelligence

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0