X (ish Twitter) duket se po bën përparim në sistemin e tij të ardhshëm të pagesave, duke e afruar atë me vizionin e Elon Musk për ta kthyer X në një “aplikacion për gjithçka”.
Sipas një zbulimi të fundit, nga studiuesi i aplikacioneve Nima Owji, kompania po punon për të shtuar një buton, “Pagesat”, në shiritin e navigimit nën skedën e faqeshënuesve. Owji, tha se ai gjeti referenca për veçoritë e reja të pagesave, të tilla si “transaksionet, bilanci dhe transferimi”.
Kur Musk fillimisht bleu aplikacionin e rrjeteve sociale të njohur më parë si Twitter, ai parashikoi një platformë ku përdoruesit mund të ruanin para në llogaritë e tyre X, të dërgonin pagesa për përdoruesit e tjerë dhe potencialisht të hynin në llogaritë e tregut të parave me rendiment të lartë.
Lexo edhe: Elon Musk: X, dikur Twitter, do të nisë dy nivele të reja abonimi
Me X që përballet me sfida në fitimin e parave përmes reklamave, shërbimi i pagesave është përpjekja e kompanisë për një burim alternativ të ardhurash. Të martën, kompania sapo ngriti një padi “antitrust” kundër grupeve të reklamave mbi një bojkot të reklamuesit që rezultoi në humbje të konsiderueshme financiare për X.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
