Womenpreneurs Balkan Bootcamp, thirrje për femrat nga Ballkani

Womenpreneurs Balkan Bootcamp

Womenpreneurs Balkan Bootcamp është një program për femrat, që sapo kanë nisur një biznes (3-6 muajt e fundit) apo do nisin një të tillë në 12 muajt e ardhshëm. Bootcamp-i nis javën tjetër më 25 maj, zgjat 5 ditë (çdo mbasdite) dhe është pa pagesë. Aplikimi mund të bëhet nëpërmjet thirrjes për aplikim deri më 24 maj.

Me mbështetjen e Startup Macedonia dhe Swiss Entrepreneurship Program (SwissEP) lideret e së nesërmes nga Shqipëria, Bosnjë-Herzegovina, Bullgaria, Kroacia, Greqia, Kosova, Mali Zi, Maqedonia, Rumania, Serbia dhe Sllovenia do të kenë mundësinë të mësojnë nga ekspertët lokalë dhe nderkombëtarë.

Ky program organizohet nga Womenpreneurs Stories dhe Startup Macedonia, bashkë me skuadrën e CEED Hub Skopje si dhe partnerët nga çdo vend i Ballkanit. Balkans Capital është partneri zyrtar nga Shqipëria.

“Balkans Capital gjithmonë ka mbështetur dhe do të mbështesë bizneset e reja. Ky është një program, që e kemi veçanërisht për zemër për shkak të impaktit dhe vlerës së shtuar, që ka për femrat që kanë nisur apo do nisin biznesin e tyre dhe të cilat kanë potencialin, për të sjellë një ndryshim në shoqërinë tonë apo për të zgjidhur problemet aktuale nëpërmjet bizneseve të tyre” – thotë Aneida Bajraktari, bashkëthemeluese e Balkans Capital.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale