WhatsApp shfaq probleme në dërgimin e mesazheve

WhatsApp

Dhjetëra mijëra përdorues të WhatsApp në të gjithë globin u shprehën se aplikacioni i mesazheve pësoi rënie. Një numër i madh ankesash u regjistruan në Downdetector, një faqe që monitoron shërbimet në internet.

89% e përdoruesve nuk mund të lidheshin, 8% kishin probleme për të marrë mesazhe dhe 1% e kishin të pamundur të hynin në aplikacionin në pronësi të Facebook.

Shumë përdorues thanë që e çinstaluan aplikacionin dhe e instaluan atë sërish, për të kuptuar pse ai nuk po funksiononte.

Përmes një harte të publikuar shihet se pjesa më e madhe e ankesave vijnë nga Evropa, përfshirë Britaninë e Madhe, ku përdoruesit u shprehën se aplikacioni nuk punoi për 1 orë e gjysmë. Gjithashtu problemin e përjetuan edhe pjesë të tjera të botës përfshirë SHBA, Amerika e Jugut, India dhe Australia.

Më shumë se 75,000 njerëz kanë raportuar probleme në Doëndetector. Disa thanë që aplikacioni i tyre filloi të funksiononte sërish, por shumë të tjerë ende po përjetojnë probleme.

Sipas “The Verge”, WhatsApp rrallëherë ndodh që pëson rënie të tillë.  Ndërprerja e fundit e saj ishte në Prill 2019, kur ajo ndaloi së punuari së bashku me Facebook dhe Instagram, për më shumë se dy orë.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale