Mbi 20 vjet më parë, gjatë një leksioni në shkollën e biznesit të Universitetit të Florida, një student i MBA i bëri Warren Buffett-it një pyetje: “Çfarë do të bënit për të jetuar një jetë më të lumtur – nëse mund të kthenit kohën mbrapsht?”
Buffett inkurajoi studentët të mendojnë për lumturinë nga një këndvështrim më praktik: Askush prej nesh nuk mund ta jetojë jetën përsëri, por ne mund ta rrisim lumturinë tonë të përgjithshme duke zgjedhur të bëjmë ndryshime në karrierën tonë, qëllimet, financat, shëndetin dhe marrëdhëniet tona.
LEXO: Warren Buffett shet të gjitha aksionet në kompanitë amerikane të fluturimeve
“Mënyra për ta bërë këtë është të jetosh jetën dhe të bësh diçka që të pëlqen,” tha ai. “Të shoqërohesh me njerëz që ju pëlqejnë. Unë punoj vetëm me njerëz që më pëlqejnë. Nëse do të mund të fitoja 100 milion dollarë me dikë që më bezdis dhe më hap telashe, do të thosha jo.”
Ai vazhdoi: “Unë ju nxis të punoni në punë që i doni. Ju jeni gabim nëse vazhdoni të pranoni punë që nuk ju pëlqejnë sepse mendoni se do të duket mirë në CV tuaj.” Bëni atë që doni. Tingëllon e lehtë kur je një miliarder, por me të vërtetë, Buffett tashmë po bënte atë që dëshironte shumë më para se të bëhej i suksesshëm.
Ka shumë arsye pse duhet të dëgjoni këshillën e Buffett dhe të bëni atë që doni, duke përfshirë:
- Më shumë mundësi
Njerëzit që bëjnë atë që duan janë më të hapur ndaj mundësive dhe përvojave të reja; ata janë të gatshëm të pranojnë sfida dhe të ndërmarrin rreziqe, dhe kur dështojnë, ata janë shumë më elastik dhe të aftë të ngrihen përsëri kur të rrëzohen.
- Më shumë përafrim me gjërat për të cilat interesoheni
Kur bëni atë që doni, krijoni një ndarje midis punës suaj, vlerave dhe gjërave që ju apasionojnë dhe ju japin vullnet. Kjo hap mundësi të reja ndërsa mësoni se çfarë ka më shumë rëndësi për jetën dhe biznesin tuaj.
- Më shumë motivim, i cili çon në suksesin tuaj
Të duash atë që bën ju bën më të motivuar për të kërkuar më shumë kohë për të kryer punën – llojin e punës që dëshiron të bësh, të mos ndihesh i detyruar ta bësh. Dëshira juaj për të qenë më produktiv është e brendshme; vjen nga një besim thellë brenda jush që përpjekjet tuaja të mëdha do të sjellin ndryshimin për ata që ju shërbeni.
Si përfundim, kur e doni atë që bëni, thjesht nuk ju duket punë! Të bësh atë që do është një kontribues i madh për lumturinë e vërtetë në jetë. Pra, nëse nuk e dini se cili është pasioni juaj, është koha ta kuptoni.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
