Në 24 orët e fundit janë konfirmuar katër raste të reja nga 121 të dyshuar dhe të testuar me Covid-19.
Sipas burimeve zyrtare, 187 vazhdojnë të jenë të infektuar aktiv në vend, kryesisht në Tiranë, Krujë, Shkodër dhe Kamëz.
Katër persona i janë shtuar listës së të shëruarve, duke e çuar numrin në total të të shëruarve në 654 raste ose thënë ndryshe 75 për qind e të prekurve janë shëruar tashmë.
“Rastet pozitive të ditës së sotme janë të shpërndara si vijon: dy në Tiranë dhe nga një rast në Kamëz e Shkodër”.
Që nga fillimi i epidemisë deri më sot, janë kryer mbi 11 mijë testime në rang vendi, dhe prej tyre kanë rezultuar pozitivë 872 raste.
Si pasojë e virusit 31 persona kanë humbur jetën, 18 prej të cilëve i përkasin kryeqytetit.
Në dy spitalet COVID, në spitalin infektiv dhe spitalin “Shefqet Ndroqi”, aktualisht janë të shtruar 28 pacientë dhe vetëm 3 prej tyre janë në terapi intensive.
Sipas ministrisë së Shëndetësisë, “Më pak se 15 për qind e të prekurve aktivë po marrin trajtim në spitalet Covid. Pjesa tjetër po ndiqen nga mjeku i familjes ose janë asimptomatikë”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
