Vetëdeklarimet sipas procedurave të reja tatimore do të jenë pa ndëshkim

Vetëdeklarimet sipas procedurave të reja tatimore do të jenë pa ndëshkim


Ministria e Financave u bën thirrje bizneseve të shfrytëzojnë hapësirën, që jep ligji i ri i procedurave tatimore, për të vetëdeklaruar pa ndëshkim të gjithë mallin, që kanë pa faturë nëpër inventarët e tyre.

Zëvendësministrja Irena Beqiraj tha se, kjo e drejtë i jep çdo biznesi mundësinë, që të nisë një kapitull të ri në raport me ligjin.

“Kjo do t’i japë një lehtësi shumë të madhe biznesit të vogël, që të ndahet nga e kaluara pa faturë, si dhe të fillojë me një epokë të re, ku çdo lëndë të parë që duhet ta blejë nga biznesi i madh, duhet ta blejë me faturë. Kjo ndihmon ndërkohë biznesin e vogël të justifikojë të gjithë mallin që ka pas marrë dhe do të blejë rishtazi, sigurisht me faturë, por është shumë e rëndësishme edhe për biznesin e madh, sepse i vë të gjithë operatorët në treg, përfshi prodhues dhe importues, në kushte të barabarta”, tha Irena Beqiraj.

Ligji i ri i procedurave tatimore, që hyri në fuqi këtë të enjte, ashpërson fort masat ndëshkuese ndaj bizneseve, që kryejnë evazion fiskal. Zëvendësministrja Beqiraj thotë se, autoritetet nuk do të tolerojnë askënd, qoftë bizneset e mëdha që shesin pa faturë tatimore, ashtu dhe ato të voglat që blejnë mall nga to pa këtë dokument.

“Të gjitha ato biznese që do të kenë gjendje inventari pa faturë, do të gjobiten dhe në të njëjtën kohë do t’u konfiskohet malli. Ndërkohë do të fillojë procedurë hetimore për të gjithë bizneset e mëdha, te të cilët këta të tjerët janë furnizuar pa faturë”, tha më tej Irena Beqiraj.

Për të kufizuar shtigjet për evazion, ligji vendos edhe një kushtëzim tjetër, atë që ndalon biznesin e madh të shesë mall drejtpërdrejt te konsumatori final me kupon tatimor.

“Deri më 31 mars të vitit 2016, e kemi vënë kusht që bizneset e mëdha te tregtia me shumicë dhe prodhuesi, mund të shesin vetëm 10% të xhiros tek individi, apo shitje me pakicë. Pastaj nuk e kanë më këtë të drejtë, vetëm nëse do të kenë të gjithë kanalin e shpërndarjes, pra do të kenë edhe pikat e tyre të pakicës”, deklaroi zv.ministrja e Financave, Beqiraj.

Bizneset, të cilat kapen me mall të padokumentar me faturë tatimore, gjobiten nga 5 deri në 10 milionë lekë dhe u sekuestrohet i gjithë malli. Ndërsa për bizneset e mëdha, kur rasti përsëritet, nis automatikisht hetimi penal.

/Top-Channel/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0