Vendet e G7 bien dakord. Vendoset çmimi tavan 60$ për naftën ruse - Business Magazine Albania

Vendet e G7 bien dakord. Vendoset çmimi tavan 60$ për naftën ruse

Çmimi tavan i vendosur naftës ruse prej Bashkimit Europian dhe G7 për të shitjen e saj 60 dollarë për fuçi hyri në fuqi sot, në mesin e përpjekjeve të Perëndimit për të dobësuar aftësinë e Moskës që të vazhdojë financimin e luftës në Ukrainë, duke mbrojtur në të njëjtën kohë ekonominë globale nga një tjetër rritje e beftë e çmimeve të energjisë.

Për këtë kufi kuotimi u ra dakord nga grupi i 7 vendeve më të industrializuara të globit, BE-ja dhe  Australia pasi Polonia, e cila po rezistonte kundër një mase të tillë, e dha më në fund dritën jeshile. Sipas marrëveshjes, nafta ruse lejohet të dërgohet në vendet e palëve të treta duke përdorur cisternat e G7 dhe bllokut europian kompanitë e sigurimeve dhe institucionet e kreditit, vetëm nëse ngarkesa blihet me 60 dollarë fuçia, ose nën kufirin e këtij çmimi.

Lexo edhe: Konferenca e OKB-së për klimën bie dakord për deklaratën përfundimtare

Kufiri mjaft konservator prej 60 dollarësh për fuçi i kërkuar nga Brukseli e Ëashingtoni është pritur me kritika nga Ukraina. Presidenti Volodymyr Zelenskyy u shpreh se një lëvizje e tillë nuk e pengon shumë Rusinë dhe luftën e saj ndaj vendit fqinj.

“Nuk do ta quaja një vendim serioz për të vendosur një kufi të tillë për çmimet ruse. Një gje e tillë është mjaft komode për buxhetin e një shteti terrorist.” – u shpreh Zelensky.  

Kievi u shpreh se që të goditej shpejt ekonomia ruse, çmimi duhet të ishte ulur në 3o dollarë fuçia. Përpara pushtimit të Ukrainës, nafta ruse shitej zakonisht për 55-65 dollarë për fuçi. Në këtë mënyrë, kuptimi i bërë nga perëndimi duket i logjikshëm, megjithatë Rusia nuk është e kënaqur dhe iu rikthye kërcënimeve. Nga ky vit, Europa do të jetojë pa naftën ruse tha përfaqësuesi i përhershëm i Moskës në organizatat ndërkombëtare në Vjenë, Mikhail Ulyanov, sipas të cilit vendi i tij do të ndalojë furnizimin për kombet që mbështesin çmimin tavan./ Reuters 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0