Sipas Bashkimit Evropian, gjigandi gjerman i makinave, Volkswagen, ka thyer rregullat në 20 vende anëtare të unionit. Brukseli shpreson kështu që shtëpia prodhuese të dëmshpërblejë konsumatorët europianë njësoj siç dëmshpërbleu ata amerikanë.
Në Shtetet e Bashkuara të Amerikës, kompania pranoi një pakt prej 15 miliardë dollarësh, në bazë të së cilit, rreth 480 mijë konsumatorë do të dëmshpërbleheshin me një shifër nga 5 mijë deri në 10 mijë dollarë.
E vetmja mënyrë që Europa t`ia dalë në këtë mision të vështirë është vendosja e një gjobe ndaj kompanisë për shkelje të normave mbi tutelën e konsumatorit. Me këtë çështje do të merret Komisioni i posaçëm i krahut ekzekutiv të unionit. Një gjobë e ngjashme me atë të Shteteve të Bashkuara në Europë do të ishte dramatike për financat e kompanisë.
Dieselgate ka rezultuar me një faturë mjaft të kripur deri më tani për shtëpinë prodhuese gjermane dhe me shumë gjasa kjo faturë do të rritet. Kompania duhet të paguajë jo vetëm gjobat e autoriteteve dhe riparimin e automjeteve të manipuluara, por duhet të dëmshpërblejë edhe klientët privatë si dhe konçesionarët. Duke llogaritur edhe humbjet në vlerë kapitalizimi në treg humbjet kapërcejnë në dhjetra miliarda euro.
Burimi: gazetaekonomia.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
