Papa Françesku ftuar të gjitha shtetet të punojnë për emetimin zero të karbonit. Gjatë fjalës së tij në samitin e Kombeve të Bashkuara për klimën, ai tha se, Qyteti i Vatikanit – shteti më i vogël në botë – do të arriijë objektivin deri në 2050.
Papa ka përkrahur kauzat mjedisore që nga zgjedhja e tij në 2013. Ndaj, thekson se qyteti-shteti prej 44 hektarë Brenda Romës, do të bënte çmos për të luftuar ndryshimin e klimës.
Në vodeo-mesazhin e tij, papa tha se: “Pandemia aktuale dhe ndryshimi i klimës, të cilat nuk janë vetëm të rëndësishme për mjedisin, por edhe etikisht, shoqërisht, ekonomikisht dhe politikisht, ndikojnë në jetën e më të varfërve”.
“Krahas miratimit të disa masave që nuk mund të shtyhen më gjatë, duhet një strategji për të ulur në zero emetimet e karbonit”, tha Papa Françesku.
Lexo: Tani është koha për të ndërtuar të nesërmen. Kontribuo edhe ti!
Vatikani angazhohet të ulur emetimet neto në zero deri në vitin 2050, si dhe të intensifikojë përpjekjet e menaxhimit të mjedisit për të çuar më tej përdorimin racional të burimeve natyrore, si uji dhe mbjellja e më shumë pemëve.
Një deklaratë e Vatikanit tha se qyteti-shtet po ecte përpara me planet për të zëvendësuar të gjitha makinat e tij me motor me djegie në automjete elektrike ose hibride.
Vatikani nisi të instalojë panelët solarë në vitin 2008 dhe vitin e kaluar ka ndaluar çantat pastike një përdorimëshe. Tani thuhet se po riciklon 65% të mbetjeve dhe synon të arrinë në 75% në 2023.
