Prej fillimit të këtij muaji turistët që zgjedhin Luginën e Valbonës dhe Alpet Shqiptare për të kaluar pushimet, gjejnë një zyrë ku mund të informohen destinacionin, aktivitetet, shërbimet dhe pikat me interes për t’u vizituar.
Fondi Shqiptar i Zhvillimit, vëren se Zyra e Informacionit Turistik në Valbonë, “do të operojë gjatë gjithë sezonit turistik, duke iu shërbyer turistëve të huaj dhe atyre vendas për dhënien e një informacioni profesional turistik, bizneseve lokale që operojnë në zonë për promovimin e tyre, agjencive turistike për marketimin e produkteve, si edhe zonës në përgjithësi për promovimin e vlerave turistike, prodhimeve dhe kulinarisë lokale”.
Lexoni: Saimiri u tregon zviceranëve sa e mirë është Shqipëria
Zyra është vetëm pikënisja e një proijekti të mbështetur me financim ndërmobëtar. Në mbyllje të sezonit veror, pritet të ngrihet në këtë zonë Qendra Profesionale e Zhvillimit të Turizmit, qendër në shërbim të zhvillimit turistik të Alpeve Shqiptare.
Zona e Alpeve po kthehen me shpejtësi në një destinacion të preferuar turistik. Vitin e kaluar, vlerësohet të kenë vizituar valbonën mbi 600 mijë turistë.
“Punimet për ndërtimin e Qendrës së Zhvillimit të Turizmit në Valbonë parashikohet të fillojnë në muajin Tetor 2018 dhe struktura të jetë gati dhe operacionale në fillim të sezonit të ardhshëm turistik”, sipas Fondit Shqiptar të Zhvillimit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English