Gjatë verës, në bregdet zbarkojnë turistët por edhe drejtuesit e qeverisë. Ministri i Financave dhe Ekonomisë Arben Ahmetaj ka zhvilluar një takim në Himarë me disa sipërmarrës në sektorin e turizmit.
Ndërsa ka shpalosur pritshmëritë e larta për turizmin këtë vit, ministri tha se operatorët duhet të rrisin shërbimin.
“Këtë vit të gjitha shifrat tregojnë që turizmi është në një rritje me dy shifra, si për kontributin në ekonomi, edhe numrat e turizmit” tha Ahmetaj. Duke shpresuar që kjo lëviyje është ndjerë nga vetë sipërmarrësit e zonës, ministri tha se, “sfida e madhe është që gjithë këtë kërkesë ta furnizojmë me shërbimet e duhura. Këtu patjetër që ka rëndësinë e vetë edhe kualifikimi profesional i punonjësve që ju merrni në punë, që nga kuzhinierët, kamarierët, apo të gjitha profesionet e tjera”.
Lexoni: Turizmi rrezikon të mbetet peng i çmimeve të ulëta
Sipërmarrësit nga ana e tyre, kërkuan të rriten investimet publike në inftrastrukurën dytësore, (ndriçim, kanalizim, ujërat e zeza, menaxhimin e mbetjeve, sistemimin e parkimeve).
Si përgjigje për sipërmarrjet ministri bëri të ditur se qeveria do të investojë rreth 250 milionë euro për infrastrukturën në zonat turistike.
“Është një projekt shumë i madh rreth 74 milion dollarë që vjen nga Banka Botërore, që po investohet në Unazën e Jugut, ku përfshihet gjithë kjo zonë. Projekti tjetër është projekti i Bankës Botërore, po me të njëjtën logjikë, por me këto rrugët që i quajmë rajonale, rrugë dytësore. Pra, jo rrugët kryesore, por rrugët dytësore. Ka dhe një projekt tjetër po në të njëjtën paketë, që është midis BERZH-it dhe Komisionit Europian, 60 milion euro është kredi dhe 40 milion euro është grant që na e jep Komisioni Europian po për të njëjtën gjë. Paketa e gjithë shkon tek 250 milion euro”.
Lexoni: Turizmi, rekord hyrjesh në pesë muajt e parë
Prej vitit të ardhshëm sipas tij, pritet që për pushtetin lokal të ketë fonde paraprake me qëllim turizmin, çka parashikon investimet në ndriçim, apo kanalizime e kullim.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Murgu qe shiti ferrarin - Albas 