Nga Joseph E. Stiglitz* – Është bërë thuajse rutinë që çdo fundviti të flitet për “polikrizën” dhe për vështirësinë e parashikimit të një të ardhmeje që duket e ngarkuar me rrezikun e luftërave të reja, pandemive, krizave financiare dhe shkatërrimeve të shkaktuara nga klima. Megjithatë, viti 2025 shtoi një përbërës veçanërisht toksik në këtë miks: rikthimin në Shtëpinë e Bardhë të Donald Trump, i cili me politikat e tij të çrregullta dhe shpesh të paligjshme ka tronditur tashmë epokën post-luftës së globalizimit. Përballë kaosit dhe pasigurisë, a mund të themi me bindje se ku po shkojnë ekonomia amerikane dhe ajo globale?
Një gjë mund të themi: ekonomia amerikane nuk po ecën aq mirë sa Trump, do të na bënte të besonim. Krijimi i vendeve të punës është pothuajse i ngurtësuar, gjë që nuk është surprizë, duke pasur parasysh se Trump ka mbjellë pasiguri dhe ka dobësuar ekonominë në mënyra të pashembullta.
Nga ana e ofertës, politika e tij më e dëmshme ka qenë sulmi frontal ndaj punëtorëve emigrantë (dhe punëtorëve amerikanë me ngjyrë më të errët). Deportimet masive, të kryera nga agjentë të maskuar të ICE (Immigration and Customs Enforcement) që marrin njerëz nga rrugët; kanë shkatërruar burimin më të rëndësishëm të punës shtesë, në një kohë kur fuqia punëtore vendase po zvogëlohet. Kjo ka rëndësi për të gjithë, sepse amerikanët varen nga emigrantët në industri që variojnë nga bujqësia e ndërtimi tek shërbimet dhe kujdesi, por emigrantët janë gjithashtu burim i kërkesës. Megjithatë, tani shumë amerikanë me ngjyrë, madje edhe shtetas amerikanë, frikësohen të dalin nga shtëpitë e tyre, për të mos u rrëmbyer dhe dhunuar nga ICE.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
