Ditët e fundit, një tjetër shoqëri, e pesta në listë, ka arritur të tregtojë në Bursën Shqiptare të Titujve ALSE. Anëtari i ri i bursës ëshë Triumf Grup sh.a.
Ajo cilësohet si shoqëria e parë e brokerimit, e licensuar nga AMF për tregtimin e letrave me vlerë të Qeverisë në Bursë. Vendimi është marrë rreth dhjetë vite më parë.
Anëtarësimi i Triumf Grup pranë ALSE u miratua në fund të janarit të këtij viti dhe i jepen kompetencat e tregtimit të letrave me vlerë dhe Bono Thesari të Qeverisë.
Kështu, anëtari i fundit i Bursës ALSE tregton me të drejta të plota së bashku me Credins Bank, Bankën Amerikane të Investimeve, Bankën Ndërkombëtare Tregtare dhe Tirana Bank.
Risia në këtë rast është se Triumf Grup është Shoqëria e parë e brokerimit anëtare e ALSE. Ajo ka një rol të rëndësishëm më ndërlidhjen e firmave të bokerimit, kujdestarëve të titujve dhe depozitarit të titujve, përmes platformës së tregtimit të Bursës ALSE.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
