Edhe pse nuk ka ndonjë dinamikë të madhe kreditimi në treg, bankat kanë shtrënguar kushtet e kredisë si për bizneset edhe individët.
Në vrojtimin e Bankës së Shqipërisë për Aktivitetin Kreditues për tremujorin e parë 2018, vërehet se standardet e kredisë janë shtrënguar dhe zhvillimi më i dukshëm ka qenë për ndërmarrjet e vogla dhe të mesme. Për ndërmarrjet e mëdha kushtet e kreditimit nuk kanë ndryshuar.
Vrojtimi i BSH tregon se standardet e kredisë u shtrënguan edhe për individët, të cilët po ecnin mirë në kreditimin. Në financimet për individët, kushtet u shtrënguan tek kredia kosumatore por edhe tek kredia për blerje pasurie të paluajtshme.
Tek shtrënigimi i kredisë për bizneset, vlerësohet të ketë ndikuar situata jo e qartë ekonomike, kreditë me probleme dhe mjaftueshmëria e kapitalit.
Për individët, ndikim në frenimin e kreditimit dha gjendja financiare e individëve dhe zhvillimet në tregun e pasurive të paluajtshme.
Për këto arësye, në tremujorin e parë të këtij viti, bankat rritën kërkesat për kolateral nga klienti.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
