Kompanitë e transportit publik dhe Bashkia Tiranë kanë arritur në një marrëveshje për të ndryshuar protokollin që duhet zbatuar gjatë udhëtimit dhe për të rinisur punën të hënën, 6 korrik.
Transporti publik do të hapet që në orën 05:00 të mëngjesit. Abonetë e muajit mars s’do të jenë më të vlefshme, kurse muaji korrik do të jetë pa abone, por me biletë. Shpërndarja e aboneve do të rinisë në muajin gusht.
Lexoni: Zgjidhjet teknologjike, si po i përshtatet bota epokës së koronavirusit
Rregullat që duhet të ndiqen nga kompanitë dhe udhëtarët janë këto:
– Automjetet do të lejohen të udhëtojnë me 70 për qind të kapacitetit të udhëtarëve.
– Ulja e udhëtarëve do të jetë në mënyrë diagonale.
– Çdo pasagjer duhet të jetë i pajisur me maskë dhe doreza, si në vendin e pritjes së autobusit, ashtu dhe brenda tij.
– Pasagjerët duhet të mbajnë distancë 1 metër nga njëri-tjetri brenda në autobus.
– Drejtuesi i mjetit dhe fatorinoja duhet të të jenë të pajisur me maska dhe doreza.
– Në autobuzë dhe mjete të tjera të transportit duhet të ketë dezinfektantë dhe duhet të jenë të shenjuara vendet ku lejohen të ulen udhëtarët.
– Gjatë udhëtimit, ajrimi i autobuzëve dhe mjeteve të tjera do të bëhet përmes dritareve dhe jo kondicionerit.
– Në rast të shkeljes së rregullave, çdo pasagjer do të mbajë përgjegjësi personale.
– Në çdo mjet do të ketë postera me udhëzimet e OBSH-së për rregullat e higjienës dhe distancimit social.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
