Toyota ka njoftuar në sallonin e inovacionit Ces në Las Vegas se po punon për të ndërtuar prototipin e “qytetit të së ardhmes”, rrëzë malit japonez Fuji. Qyteti do të funksionojë si laborator për makina autonome, “shtëpi të zgjuara”, inteligjencë artificiale dhe teknologji të tjera.
“Qyteti i Endur” është një plan i guximshëm për Toyota.
James Kuffner, Drejtori Ekzekutiv për Institutin e Kërkimit Toyota-Advanced, tha se, është e vështirë të mësosh diçka në lidhje me një qytet të zgjuar nëse po ndërton vetëm një bllok të zgjuar”. Projekti po diskutohet prej një viti tashmë dhe ka për qëllim krijimin e qyteteve më të sigurta, më të pastra, më argëtuese dhe mësime që mund të zbatohen në të gjithë botën. Do të ketë shërbime policie, zjarrfikëse dhe ambulanca, shkolla si dhe mund të jetë shtëpi për punonjësit, pensionistët dhe të tjerët të Toyota-s, tha Kuffner.
Projekti do të zhvillohet në vend të një fabrike makinash, e planifikuar të mbyllet brenda këtij viti. Me 2 mijë banorë fillimisht vitet e ardhshme do të shërbejë si një shtëpi për studiuesit dhe kërkuesit.
Kostot e projektit nuk janë bërë ende të ditura. Ndërtimi parashikon të riimagjinojë një qytet në një sipërfaqe 71 hektarë, për të ndërtuar një komunitet futurist.
Lexo: Toyota do të përdorë robotë në lojërat Olimpike të Tokios
Propozimi ambicioz i kompanisë, flet qartë, jo vetëm për ambicien e Shefit Ekzekutiv Akio Toyoda, por edhe burimet financiare dhe politike që Toyota ka dhe mund të sjellë, veçanërisht në vendin e saj. Toyoda, e ka quajtur projektin si fushën e tij me personale të ëndrrave.
Grupi Toyota është shtrirë edhe në fushën imobiliare. Toyota Housing, ka shitur mbi 100 mijë shtëpi në Japoni në 37 vjet. Toyota tha se kishte porositur arkitektin danez Bjarke Ingels për të hartuar projektin. Ingels ka projektuat ndërtesën e Ëorld Trade Center në Neë York si dhe zyrat e Google në Silicon Valley dhe Londër.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
