Rreth 2200 pjesëmarrës vendosën të kalojnë një ditë të plotë me tre folësit e Tirana Summit, duke ndjekur të gjitha mesazhet e tyre mbi rritjen, shitjet, negocimin, lumturinë, zhvillimin.
Samiti i Tranës nisi me folësin motivues, dhe sipërmarrës të disa bizneseve, me një pervojë rreth 30 vjeçare në fushën e shitjeve, Vasil Naçi.
“Arti i ndikimit dhe negocimit” ishte tema e pjesës së parë të këtij eventi. Përmes teknikave, por edhe përvojës së tij, z Naçi, tregoi se si përmes negociatave të zgjuara dhe të drejta, ju mund të merrni atë që dëshironi më shpejt dhe pa dhimbje.
Një proces i ndarë në hapa, negoçimi, me objektiv shitjen ose blerjen efektive, kërkon përgatitje, fokus dhe komunikimin e duhur.
Ndikimi është një nga aftësitë më të rëndësishme që mund të zotërojmë si qenie njerëzore. Ndikimi është thelbi i ndërtimit të marrëdhënieve, motivimit, prindërimit, menaxhimit, mësimdhënies, shitjes, bindjes, marketingut dhe përballjes me sukses me morinë e njerëzve që ndeshim çdo ditë. Z.Naçi ndan në tri bazat e ndikimit, në cilësitë dhe parimet kryesore të nevojshme për të pasur një ndikim pozitiv, në elementet bazë të besimit, fazat e negociatave dhe taktikat manipuluese dhe mënyrat për t’i menaxhuar ato.
Lexo: Ford po bëhet gati të prezantojë makinën e saj të parë elektrike
Avinash Anada, ishte folësi i dytë që u ngjit në skenë, i cili na tregoi se rëndësi kanë besimet tona. Në sesionin e tij “Mjeshtëro Mendjen tënde”, Avinash Ananda na tregoi se si të udhëhiqni mendjen përmes lumturisë. Sipas tij, 4 aspektet kyçe për të “Mjeshtëruar Mendjen”; janë: 1) Kuptimi: (menaxhimi i perspektivave); 2) Njohuritë: (mësimi sesi besimet influencojnë sjelljet; 3) Risi: (krijimi i energjisë pozitive hap pas hapi në të tashmen), 4) Vendimet: (marrja e vendimeve bazuara në lumturi për të arritur më shumë lumturi.
Ujku i Wall Street Jordan Belfort erdhi në skenë me dualitetin mes botës së brendshme dhe botës së jashtme, ndikimet e ndërthurura dhe hapat që duhen ndërmarrë në të dy rastet për t’u bërë lider në fushën tuaj.
Duke sjellë përvojën e tij reale, ai thekson se si aftësinë e tij e shpërdoroi, dukë pësuar rrënimin deri në burg.
Por, bërja e gjërave të rëndësishme, kërkon një mision, një objektiv për rezultate pozitive që qëndron përtej teje. Dhe në ditët e tij më të vështira, arsyeja e rimëkëmbjes ishin fëmijët e tij. Ai tregoi se disa skena ishin në filmin e njohur “Ujku i Wall Street” janë sjellë saktësisht siç ishin në jetën reale të tij.
Mënyra e prezantimit të klientit, tonaliteti i zërit, dhe përkujdesja me klientin, lidhja personale, rrit në mënyrë të theksuar shanset për shitje. Në një vlerësim të tij, “kapja e klientit” ndodh në 4 sekondat e parë të telefonatës. (në rastet e shitjes ballë përballë, mundësitë janë më të mëdha me gjuhën e trupit), por në rastin e shitjeve online, gjithçka mbetet është fjala dhe zëri.
Jordan shpjegoi në detaj teorinë “Sistemi i Linjës së Drejtë të Bindjes”, duke dhënë shembuj praktikë nga jeta reale. Ai theksoi se si të zhvilloni vizionin për të ardhmen dhe më pas si ta ktheni në realitet.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English