Në një mënyrë ose në një tjetër, duket se është e parashikueshme që Elon Musk dhe Mark Zuckerberg do të përleshen. Mund të kujtoheni se pak javë më parë na u premtua një duel pasi Musk reagoi ndaj një tweeti për planet e Metas për një konkurrent të Twitter-it. Zuckerberg nuk vonoi aspak për të pranuar sfidën, por duket se lufta u anulua kur u përfshi në lojë nëna e Musk. Tani që Threads, alternativa e Instagram për Twitter-in, është më në fund e lansuar, duket se do të kënaqemi me një letër me ton të ashpër fjalësh nga avokati i Musk.
Letra, e cila u raportua për herë të parë nga Max Tani në Semafor, shpreh se Meta ka punësuar ish-punonjës të Twitter-it për të përdorur njohuritë e tyre mbi sekretet tregtare për të dalë shpejt në treg me një produkt konkurrues:
“Gjatë vitit të kaluar, Meta ka punësuar dhjetëra ish-punonjës të Twitter-it. Twitter e di se këta punonjës më parë kanë punuar në Twitter; se këta punonjës kanë dhe vazhdojnë të kenë qasje në sekretet tregtare dhe informacionin e rëndësishme të Twitter-it; se këta punonjës kanë detyrime të vazhdueshme ndaj Twitter-it; dhe se shumë prej tyre kanë mbajtur në mënyrë të paautorizuar dokumente dhe pajisje elektronike të Twitter-it. Me këto të dhëna, Meta me qëllim të qartë ka caktuar këta punonjës për të zhvilluar, në disa muaj, aplikacionin “Threads”, kopje e Meta-s së Twitter-it, me qëllim specifik që ata të përdorin sekretet tregtare dhe pronësinë intelektuale të Twitter-it për të shpejtuar zhvillimin e aplikacionit konkurrent të Meta-s, në shkelje të ligjit shtetëror dhe federal, si dhe detyrimeve të vazhdueshme të këtyre punonjësve ndaj Twitter-it.”
Lexo edhe: Zbulohet arsyeja pse Mark Zuckerberg fshehu fytyrat e fëmijëve të tij në Instagram
Si përgjigje, zëdhënësi i Meta-s, Andy Stone, thotë se “Askush në ekipin e inxhinierisë së Threads nuk është punonjës i mëparshëm i Twitter-it – kjo gjë nuk ekziston.”
Megjithatë, pyetja nëse Threads është një kopje e Twitter-it duket qesharake. Si ide, sigurisht që është. Në të dy rastet, hap aplikacionin, shfleto në feed (përgjithësisht tekst, së bashku me linqe dhe foto), merr pjesë në postimet e të tjerëve dhe ndan përmbajtjen tënde. Është e njëjta ide – në përgjithësi – si disa platforma të tjera si Bluesky, Mastodon dhe Post.news.
Përsëri – problemi më i madh i Musk-ut nuk është punonjësit e mëparshëm të Twitter-it që shkojnë të punojnë për konkurrentë potencialë. Së fundi, ata nuk do të ishin “ish” punonjës, nëse Musk nuk do të kishte pushuar 80% të personave që punonin për Twitter-in kur ai mori kontrollin. Problemi real i Musk-ut është se ai hapi këtë derë.
Twitter-i ka ekzistuar për 17 vjet. Nuk ka qenë ndonjë sekret që Zuckerberg shpesh e ka shikuar rrjetin social më të vogël (në krahasim) dhe ka pasur inat nga ndikimi i tij politik, për lajme dhe kulturë. Për gjithë atë kohë, Facebook-u dhe pastaj Meta, nuk bënë vërtet një përpjekje serioze për t’i dalë përballë – deri tani.
Nëse nuk je i gatshëm të paguash për abonim në Twitter-in me çmim 8 dollarë në muaj, kjo shifër të ofron rreth gjysmë ore përdorimi në ditë. Kjo gjë nuk ekzisonte deri sa Musk mori kontrollin dhe filloi të bënte ndryshimet që i zemëruan shumë njerëz (dhe shumica prej tyre u larguan përfundimisht) që Meta në fund të kapte mundësinë.
Ky shans nuk ekzistonte gjatë 16 viteve të kaluara të Twitter-it. Musk duhet të shqetësohet më pak për dërgimin e letra-ndalimeve tek Mark Zuckerberg dhe të kalojë shumë më shumë kohë duke u shqetësuar për produktin që ai e posedon.
Mësimi është mjaft i thjeshtë: Nëse dëshiron të sigurohesh që askush të mos kopjojë idenë tënde dhe të vjedhë të gjithë klientët e tu, provo të ndërtosh diçka që i kënaq përdoruesit dhe nuk lë hapësirë për konkurrencë. Në vend që të kërcënojë Meta-n me akuzat e vjedhjes së sekreteve tregtare të Twitter-it, ai duhet të punojë në gjërat që vërtet kanë rëndësi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
