Thirrje publike për ndërmarrjet në Kosovë – Programi “Internship Biznesi - 2019” » Business Magazine Albania – Media Dixhitale dedikuar Sipërmarrjes
Përditësuar së fundmi: 14/05/2019

Thirrje publike për ndërmarrjet në Kosovë – Programi “Internship Biznesi – 2019”

Share
nga Eridon Elshani
Maj 14, 2019
-Manages Business Mag Kosovo -Studies Philosophy at University of Prishtina
lexo me teper >

Agjencia për Investime dhe Përkrahjen e Ndërmarrjeve në Kosovë – KIESA, agjenci e Ministrisë së Tregtisë dhe Industrisë, sjell programin “Internship Biznesi – 2019”.

Qëllimi kryesor i këtij projekti është zhvillimi i ndërmarrjeve të vogla dhe të mesme në Kosovë, formësimi i kuadrove të rinj dhe bartja e njohurive teorike në praktikë të fituara në shkollat e mesme  profesionale.

Agjencia KIESA fton të gjitha ndërmarrjet të vogla dhe të mesme, që kanë kërkesa për burime njerëzore dhe shprehin interesimin që të plotësojnë nevojat e tyre më praktikant/e që kanë përfunduar shkollat e mesme  profesionale. Objektiv është angazhimi në ndërmarrje në dy muaj të vitit 2019.

Pas kryerjes së praktikës profesionale, ndërmarrjet nuk kanë detyrim që të vazhdojnë angazhimin më tej me praktikantëve, përveçse nëse kjo bëhet me marrëveshje të re mes palëve. Ndërmarrjet duhet të zgjedhin profilin e praktikantëve që u nevojiten.

Ndërmarrjet që shprehin interesimin e tyre përmes kësaj thirrje publike, KIESA mund t’u ofrojë dy-tre praktikantë.

Për angazhimin dymujor të praktikantëve, KIESA do të ofrojë kompensim financiar në vlerë 200.00 Euro për muaj nga Buxheti i  Kosovës ndërsa ndërmarrja nuk ka detyrim financiar ndaj praktikantit.

Për më shumë, klikoni në linkun më poshtë:

www.kiesa.rks-gov.net