Një pjesë e unazës së madhe, ndërtimi i së cilës hapi debate së fundi, pritet të ketë kosto të larta edhe në tenderimin e dytë. Autoriteti Rrugor Shqiptar ka rihapur garën për segmentin mes pallatit me shigjeta dhe sheshi Shqiponja.
Në dokumenta, parashikohet të ketë një fond Limit prej 2.24 miliardë lekë pa TVSH. Vitin e ardhshëm, shuma e parashikuar për financim është më pak se një e katërta e saj.
Rihapja e tenderit vjen pasi u bënë publike dokumentat e falsifikuar të kompanisë of shore. Ky lot vijon të kundërshtohet nga opozita në vend për shkak të kostos së lartë dhe njëkohësisht nga banorët e zonës, të cilët kërkojnë dëmshpërblim për banesat e tyre.
E njëjta procedurë po ndiqet edhe linjën e transmetimit të energjisë Burrel – Peshkopi me kapacitet 220 kV. Operatori i Sistemit të Transmetimit ka rishpallur garën për këtë linjë fituese më parë nga kompania “DH Albania”. Në këtë rast fondi minimali i investimit është 1.2 miliardë lekë”.
Kjo nuk është hera e parë që qeveria shqiptare detyrohet të ritenderojë projektet publike. Së fundi, Ministria e Infrastrukturës hapi tenderin për dy by Pass-et e Fierit dhe Vlorës. Kantieret ishin të hapura prej disa vitesh, pasi kompania italiane Serenissima u tërhoq nga projekti, në konflikt pagesash me nënkotraktorët.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
