Si qenie sociale, njeriu ka nevojë të flasë, të dëgjojë, të ndjejë. Të shprehet dhe të ndajë ndjenjat e veta me njerëzit e afërm.
Në të njëjtën kohë, njeriu është sot qenie në evoluim të vazhdueshëm. Nga letrat me pëllumb, tek Twitter-i, nga mesazhet me tym, tek “emoji” dhe nga tellalli te Facebook. Njerëzit kurrë nuk kanë qenë më të lidhur me njeri-tjetrin, apo …
Edhe këtë shkrim me shumë gjasa po e lexoni nga ekrani i një telefoni, në kafe, në zyrë apo rrugës për në shtëpi. Ngrije kokën dhe shiko rrotull për një çast. Pranë teje ke njerëz të cilët as që i ke vënë re. Telefonat janë bërë projeksion. Pra, a jemi vërtetë të lidhur?!
Kjo pyetje, si dhe çështje të tjera do të diskutohen të shtunën në eventin e madh të Tedx Tirana. 10 folës, në 10 fjalime unike do të të bëjnë të mendohesh, të frymëzohesh dhe të lidhesh më fort me vetën tënde dhe të tjerët.
Eventi i titulluar “Connectivity” do të mbahet tek Kisha Orthodokse “Ringjallja e Krishtit”.
Me fjalimet e tyre, 10 folës do t’ju bëjnë të futeni në mendime, të reflektoni dhe të frymëzoheni.
Folësit e këtij viti janë: Herald Friedl, Mark Kosmo, Vasjen Kastro, Taulant Muka, Lori Amy, Edon Muhaxheri, Alice Taylor, Genti Selenica, Dhurata Thanasi dhe Jeta Xharra, të cilët do të rrëfejnë diçka të tyrën dhe do të “lidhen” me publikun.
Biletat i gjeni në Destil Hostel Albania ose mund t’i blini nga kudo me EasyPay në:
https://ticket.easypay.al/events/Tirana/all
Aktiviteti nis në ora 16:30, me 15 Shtator tek Katedralja Orthodhokse, Tiranë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
