Drejtoria e Përgjithshme e Tatimeve në Shqipëri ka njoftuar individët apo subjektet që janë pjesë e Deklaratës Individuale Vjetore të të Ardhurave (DIVA) të raportojnë me saktësi të ardhurat bruto jashtë territorit të Shqipërisë për të shmangur paqartësitë dhe penalitetet në kuadrin ligjor.
DPT-ja bën të ditur se administrata tatimore tonë do të kontaktojë dhe të marrë të dhënat fiskale të shqiptarëve që janë rezidentë në vende të huaja nga administratat tatimore homologe.
Në njoftim përcaktohet:
“Sipas standardit, një gamë e gjerë e informacionit do të shkëmbehet mbi llogaritë offshore, duke përfshirë balancat e llogarive. Kjo do të bëjë të mundur parandalimin e evazionit fiskal dhe trajtimin e mashtrimit fiskal, brenda logjikës se veprimtaria e evazorëve jo vetëm zvogëlon të ardhurat publike, por dhe dobëson besimin në drejtësinë e sistemit tatimor, si dhe rrit barrën mbi tatimpaguesit e ndershëm.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
