Tarifë Durrës-Kukës: Sipërmarrësit po shohin tregje të tjera për eksport

Bizneset prodhuese në Shqipëri dhe Kosovë po shohin mundësinë për tregje të tjera, që kur nisi aplikimi i tarifës në rrugën Durrës-Morinë. Edhe pse sot tarifa nuk paguhet (pasi pikat u kalimit u dëmtuan nga protestat e qyterarëve) sipërmarrjet që kanë zhvilluar tregti mes dy vendeve po vlerësojnë të orientojnë shitjet në tregje të tjera.

Kjo është masa e parë që u ndërmor nga bizneset sipas drejtuesve të Bashkimit të Prodhuesve në Shqipëri.

Sekretari i Përgjithshëm i Bashkimit të Prodhuesve Arben Shkodra, thotë për BusinessMag, se prodhuesit po shqyrtojnë kontratën konçesionare, tarifat dhe efektet. “Nga vlerësimet e deritanishme, efektet janë negative në lidhje me konkurrueshmërinë në rajon”, thotë Shkodra. Për këtë arësye, sipas tij, do të ketë një propozim konkret për qeverinë shqiptare brenda javës, ku objektiv është zbutja e këtyre efekteve negative.

Lexoni: https://businessmag.al/kundershtohet-ne-mase-tarifa-e-rruges-durres-morine/

Ndërkohë, javës së ardhshme, prodhuesit e Shqipërisë dhe Kosovës pritet të dalin publikisht me një qëndrim të përbashkët.

Nga vlerësimet paraprake për rritjen e kostove, më të dëmtuara vlerësohet të jenë kompanitë e tregtimit të ujit, materialeve të ndërtimit dhe produkteve të bujqësisë. Tregu alternative që mund të “Kosovën” për prodhuesit shqiptarë është Italia, ndërsa prodhuesit Kosovarë, po marrin në konsiderat fqinjët e tjerë, kryesisht Maqedoninë.

Javës së kaluar, ministri i Infrastrukturës së Kosovës  e kundërshtoi tarifën duke theksuar se do të frenojë tregtinë mes dy vendeve. Ndërkohë, Oda ekonomike e Kosovës ka paralajmëruar se do të apelojë në Gjykatën e Strasburgut.