Shtatori po vjen dhe bashkë me të edhe tarifa e shumë diskutuar në rrugën e kombit.
Ministria e Energjisë, vlerëson se deri në tani ka bërë fushatën e duhur të informimit për të nisur tarifimin në datën e parashikuar 17 shtator.
Më te prekur nga kjo tarifë do të jenë udhëtarët që kalojnë më shpesh në rrugën e kombit
Pas protestave të banorëve, qeveria lehtësoi pagesat për banorët e zonës dhe frekuentuesit e shpeshtë të rrugës, por nuk i hoqi ato. Sipas paketës lehtësuese të qeverisë, banorët dhe 11 linja autobusësh që operojnë në Qarkun e Kukësit do të paguajnë 100 lekë për çdo kalim në rrugën e Kombit.
Përdoruesit do të marrin falas pajisjen elektronike telepass. Tarifa e reduktuar vlen deri në 44 kalime në muaj.
Me tarifë të reduktuar kalojnë edhe automjetet e sipërmarrjeve që kryejnë mbi 20 kalime në muaj.
Në këtë rast, ulja vjen në formë të përshkallëzuar. Për 20-30 kalime në muaj, automjetet përfitojnë 10% ulje të tarifë. Për mbi 60 kalime në muaj, ulja e tarifës është 40%.
Automjetet e tjera do të duhet të paguajnë me tarifat e prezantuara që në fillim. Për mjetet me 3 rrota pagesa është 2.5 euro, për veturat 5 euro dhe për autobusët e kamionçinat 11.2 euro, për kamionët e mesëm 16.2 euro, ndërsa për kamionët e rëndë 22.5 euro.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English