Tare: Via Egnatia një mundësi e madhe e zhvillimit ekonomik në zonat rurale

Tare: Via Egnatia një mundësi e madhe e zhvillimit ekonomik në zonat rurale


Drejtori i Agjencisë Kombëtare të Turizmit, Auron Tare prezantoi të martën para investitorëve italianë projektin e Via Egnatia, përmes së cilit, kjo rrugë e lashtë e ndërtuar rreth 2 mijë vite më parë synohet të kthehet në një destinacion turistik, çka do të ndikojë edhe në zhvillimin ekonomik të zonës.

Prezantimi i projektit u bë në Hotel “Tirana International” në kuadër të hapjes së panairit Expo Sud Italia, ku të pranishëm ishin edhe ambasadori italian në Tiranë, Alberto Cutillo si dhe Drejtoresha e ICE në Tiranë, Gabriella Lombardi.

Përmes Expo Sud Italia 2016, synohet të tërhiqet vëmendja në Itali dhe Shqipëri mbi projektin më të fundit turistik të qeverisë shqiptare për të përfshirë Rrugën Egnatia ndër itineraret turistike parësore të vendit dhe për këtë qëllim nisma tregtare është shtrirë edhe në qytetet e Durrësit dhe Elbasanit, të cilat ndodhen në kilometrat e para të arteries së rëndësishme të periudhës romake që lidhte Romën me Bizantin.

Tre qytetet pranë të cilave zhvillohet promovimi, Tiranë, Durrës, Elbasan prekin rrugën e lashtë Egnatia. Kjo synon ofrimin e një mbështetjeje ideale për vëmendjen e qeverisë shqiptare për të përfshirë arterien e rëndësishme të periudhës romake në pikat turistike prioritare dhe ta rigjallërojë me projekte të bashkërenduara nga Agjencia Kombëtare e Bregdetit.

tare 3Për këtë Drejtori i Agjencisë Kombëtare të Bregdetit, Auron Tare, tha se Via Egnatia është një rrugë e cila u ndërtua mbi 2 mijë vite më parë nga ushtritë romake. Përveçse një rrugë ushtarake ka qënë edhe një rrugë tregtare. “Roma zhvilloi tregtinë në Ballkan e më gjerë nëpërmjet rrugës Egnatia, por edhe politika e diplomacia u zhvilluan edhe në këtë rrugë. Edhe prezenca e ambasadorit Cutillo është domethënës, sepse shumë ambasadorë kanë ecur në rrugën Egnatia për të bërë bisedimet diplomatike”, tha Tare.

Tare prezantoi projekt-idenë e Via Egnatia duke synuar që të tërhiqen sa shumë turistë shqiptarë por edhe të huaj. Në projektin e paraqitur synohet të vendosen tabela që tregojnë historinë e kësaj rruge, por edhe monumente historike. Via Egnatia është një intinerar i ndjekur nga një sërë figurash historike si Pompei, Cezari apo apostulli Shën Pali. Aktualisht kjo rrugë është e aksesueshme me GPS.

Ambasadori i Italisë, Alberto Cutillo deklaroi të martën se Shqipëria dhe Italia kanë mundësi të reja bashkëpunimi. Gjatë një konference për shtyp të mbajtur në Tiranë, në kuadër të hapjes së panairit Expo Sud Italia, Cutillo theksoi se pavarësisht nivelit të lartë të bashkëpunimit, ka ende hapësira për bashkëpunim dypalësh.

Drejtoresha e ICE në Tiranë, Gabriella Lombardi tha se nisma Expo Sud Italia organizohet nga Agjencia ICE në Tiranë, për tu ofruar kompanive pjesëmarrëse kontakte të reja me operatorët ekonomike si dhe forcimin e raporteve të bashkëpunimit.

Synimi kryesor është fuqizimi i marrëdhënieve ekonomike-tregtare midis Italisë dhe Shqipërisë, tha Lombardi, ndërsa vuri në dukje se risia për këtë vit ka të bëjë me pjesëmarrjen e Kosovës në këtë ngjarje dhe për herë të parë Italia promovon në rrjetet e ndryshme tregtare kosovare produktet “Made in Italy”.

“Nisma në mbështetje të Rajoneve të Konvergjencës (Calabria, Campania, Puglia, Sicilia) synon jo vetëm të favorizojë ndërkombëtarizimin e NVM dhe promovimin e imazhit të produktit italian në botë, por dhe të krijojë e forcojë raportet e reja tregtare ndërmjet dy vendeve “, tha Lombardi.

Nisma “Expo Sud Italia 2016

Në datat 3-14 shkurt 2015 do të zhvillohet në Tiranë nisma “Expo Sud Italia 2016”, ku 25 firma të përzgjedhura nga Calabria, Campagnia, Puglia dhe Sicilia do të ekspozojnë produktet e tyre në sektorët e veshjeve, aksesorëve, këpucëve, artikujve për shtëpi dhe arredim/design.

Me këtë rast, përmes Expo Sud Italia 2016, synohet të tërhiqet vëmendja në Itali dhe Shqipëri mbi projektin më të fundit turistik të qeverisë shqiptare për të përfshirë Rrugën Egnatia ndër itineraret turistike parësore të vendit dhe për ketë qëllim nisma tregtare është shtrirë edhe në qytetet e Durrësit dhe Elbasanit, të cilat ndodhen në kilometrat e para të arteries së rëndësishme të periudhës romake që lidhte Romën me Bizantin.

Operatorët ekonomikë dhe konsumatorët do të kenë mundësinë të njohin të rejat që kompanitë nga jugu i Italisë paraqesin në sektorët e veshjeve, bizhuterive, artikujve për shtëpi, arredim dhe ndriçim pranë Coin në Tiranë, Flagship Center në Durrës dhe Orti Center në Elbasan.

Italia ka një rol mjaft të rëndësishëm në realitetin ekonomik shqiptar duke u renditur si partneri i parë tregtar me një kuotë prej 37 % dhe një vlerë prej më shumë se 2 miliardë euro në vit. Gjithashtu Italia është investuesi i parë i huaj për nga numri i ndërmarrjeve italiane ose italo-shqiptare në vend. Me qëllim prezantimin e kompanive italiane pjesmarrëse për operatorët e sektorit dhe konsumatorit shqiptarë është botuar një katalog në gjuhën italiane dhe shqipe.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0