Takime me profesionistë dhe biznese të diapsorës - Business Magazine Albania

Takime me profesionistë dhe biznese të diapsorës

Më 13 tetor 2022 nga ora 10:00, GERMIN, më mbështetjen e USAID Kosovo Compete Activity, do të organizojë takime B2B mes bizneseve të Kosovës dhe bizneseve nga Diaspora në Zvicër. Në këto takime të pranishme do të jenë dhjetë (10) gra ndërmarrëse nga Kosova nga sektorët e prodhimit dhe përpunimit të ushqimit si dhe TIK-ut. Gjithashtu, të pranishëm do të jenë edhe profesionistë nga diaspora të cilët janë angazhuar si mentorë të tyre, si dhe përfaqësues të komunitetit dhe bizneseve të ndryshme në Zvicër.

Lokacioni: Schiffbaustrasse 10, 8005 Zürich, Switzerland (Aubrey)

Duke pasur parasysh numrin e kufizuar të pjesëmarrësve, ju ftojmë të regjistroheni për pjesëmarrje.

Ndërkohë, së bashku me CARITAS-in Zviceran dhe KCSF, nga ora 19:00, organizohet takim rrjetëzues me profesionistët shqiptarë dhe komunitetin biznesit nga diaspora në Zvicër. Në këtë takim, do të prezantohet mundësia për projekte investuese në kuadër të projektit “Veprimi i Komunave për Riintegrim dhe Diasporë-MARDI”, si dhe mundësitë e angazhimit të profesionistëve nga diaspora në institucione, biznese, dhe organizata në Kosovë përmes programit të GERMIN për angazhimin e profesionstëve.

Lokacioni: Hardstrasse 260, 8005 Zürich, Switzerland (Aya)

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0