Studiuesit parashikojnë se unaza “Oura” mund të zbulojë COVID-19, para shfaqjes se simptomave - Business Magazine Albania

Studiuesit parashikojnë se unaza “Oura” mund të zbulojë COVID-19, para shfaqjes se simptomave

Një nga sfidat më të mëdha për të frenuar përhapjen e COVID-19 janë bartësit asimptomatikë të sëmundjes, të cilët mund të përhapin virusin para se të kuptojnë se janë të infektuar. Në prill, shkencëtarët nga Instituti Rockefeller i Universitetit të West Virginia (RNI) dhe WVU Medicine krijuan një platformë që të parashikojnë simptomat para se ato të shfaqen.

Platforma përbehet nga një unazë e quajtur Oura dhe modeleve të parashikimit të inteligjencës artificiale AI. Studiuesit pretendojnë se platforma e tyre digjitale mund të zbulojë simptomat e COVID-19 deri në tri ditë më parë me afro 90 për qind saktësi.

Ndërsa platforma mund të jetë më mirë se asgjë, një shkallë saktësie prej 90 për qind ende lë hapësirë ​​për individët asimptomatikë. Nëse 1.000 njerëz përdorin sistemin, 100 njerëz ende mund të marrin rezultate të pasakta. Kjo platformë mund të tregojë llojet e zgjidhjeve që do të kemi në të ardhmen, por mund të duhet ca kohë para se diçka e tillë të jetë gati për përdorim në botën reale.

Gjithçka është e bazuar te neuroshkenca dhe analizon stresin, ankthin, memorien. Unaza Oura mbledh të dhëna fiziologjike, si temperatura e trupit, ritmi i zemrës, ritmi i frymëmarrjes dhe parametrat e gjumit. Pastaj kombinohen të dhënat me modele nga AI. Platforma aktualisht po testohet nga 600 profesionistë të shëndetësisë dhe Universiteti i West Virginia është duke bashkëpunuar me partnerë si Universiteti Thomas Jefferson dhe ai Vanderbilt për t’i rritur testet në 10.000 pjesëmarrës.

Engadget

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0