Është vërtetuar nga organizatorët se rreth dy milionë njerëz kanë marrë pjesë në protestat masive që po ndodhin në Hong Kong kundër projekt-ligjit të kontradiktor të ekstradimit.
Pavarësisht nga videot që shfaqin turma masive, policia ka pohuar se nuk ka më shumë se 338,000 njerëz të pranishëm. Kjo mund të jetë protesta më e madhe në historinë e Hong Kongut.
Fotografi të reja janë publikuar në platformën Reddit ku shfaqin protestuesit e rinj në terren duke mësuar njëkohësisht për provimet e tyre përfundimtare, ndërsa në të njëjtën kohë po marrin pjesë në protesta.
Ndërsa ky nivel i përkushtimit është sigurisht mbresëlënës, kjo nuk është hera e parë që protestuesit e rinj të Hong Kong kanë zgjedhur të studiojnë ndërsa protestojnë për të drejtat e tyre.
Gjatë protestave të Hong Kongut të vitit 2014, të quajtura shpesh Revolucioni Ombrellë, të rinjtë e Hong Kongut mahnitën botën duke krijuar fusha studimi në mes të demonstratave të tyre në atë që mund të përshkruhet si vepër e jashtëzakonshme e multitasking (të bërit disa gjëra në të njëjtën kohë).
Këtë vit, gjithashtu janë publikuar edhe videot e qytetarëve që kthehen në vendin ku janë zhvilluar protestat kundër ekstradimit duke pastruar plehrat. Që kur këto imazhe u shpërndanë, protestuesit në Hong Kong kanë marrë lëvdata të jashtëzakonshme duke vendosur një shembull shumë pozitiv për protestuesit e ardhshëm.
VIDEO: A day after the worst political unrest since Hong Kong was handed to China in 1997, the city's youths are out to clear rubbish on the streets of the city pic.twitter.com/aXLvb4Zvmy
— AFP News Agency (@AFP) June 13, 2019
Aftësia e studentëve për të bërë shumë gjëra në të njëjtën kohë dhe përkushtimi i tyre për edukimin si dhe të drejtat e tyre, kanë frymëzuar përdoruesit e rrjeteve sociale në mbarë botën, të cilët u treguan të shpejtë për t’i lavdëruar përpjekjet e tyre:
“Është e rëndësishme të dimë se shumë nga protestuesit janë të rinj. Ata nuk kanë parë ndonjë gjë të tillë. Shumica e tyre po e bëjnë këtë për herë të parë. Respekt i madh për ta”.
“Një mijë njerëz përbëjnë një rebelim që mund të thyhet. Një milion njerëz janë një revolucion dhe as qeveria kineze nuk do të ishte aq e pakujdesshme të për të provuar dhe luftuar këtë turmë kaq të madhe”.
“Unë nuk e di se si e kanë arritur atë, por unë nuk mendoj se mund të përqendrohem me një mjedis të tillë.”
“Vullneti dhe hijeshia që kanë këta protestues janë të pashembullt me këtë foto dhe pastrimin e rrugëve pas një proteste”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
