StartUp Irlanda

StartUp Irlanda – Të kesh një startup tëndin në Irlandë është e modës

~4 minuta lexim


Shoqëria irlandeze ka projektuar më së miri ndërtimin e një ekosistemi modern të sipërmarrjeve të reja . Të kesh një startup tëndin në Irlandë është e modës. Të bërit biznes në qytetin më të populluar, Dublinin , është thjeshtëzuar për shkak të mungesës së barrierave që burokracia krijon aq lehtë. Sipërmarrësit aventurierë kanë gjetur një vend të ri, ku mund të besojnë se bota nuk ka limite, por ato krijohen nga mendjengushtësia e trishtimit njerëzor.

Projekti i suksesshëm Irlandez mbështetet nga çdo hallkë e kësaj shoqërie duke filluar nga:

Universitetet.

Institucionet arsimore janë vënë në shërbim të të rinjve dhe komunitetit të sipërmarrësve. Universitetet më të njohura të Irlandës si ai i Dublin City University apo Trinity College Dublin kanë krijuar programe të veçanta për studentët që në të ardhmen kanë qëllim për t’u bërë sipërmarrës. Irlanda, ashtu si Shqipëria është pjesë e shteteve me popullsinë më të re në Europë. Pasi lënë sallat e leksioneve këta të rinj janë shumë të kërkuar nga kompani si Google apo Facebook të cilat kanë zyrat e tyre edhe në Irlandë.

Investitorët .

Studentët sipërmarrës gjejnë një ambjent të ngrohtë për sa i përket  mbështetjes së ideve të tyre nga investitorët engjëj apo kompanive të cilat besojnë tek aftësitë e tyre. Vetëm në vitin 2014, investimet në kompanitë e reja kanë qenë $448 milion. Irlanda renditet e pesta në Europë për sa i përket investimeve në raport me GDP-në.

Qeveria.

Irlanda renditet në vendin e 17 -të për sa i përket  të bërit biznes, Doing Business 2016 . Banka Botërore e ka renditur  Irlandën në listën e shteteve më të mira që mund të bëhet biznes , për shkak të proçedurave të thjeshta dhe krijimit të një ambjenti sa më pak burokrat për sipërmarrjen. Kompanitë paguajnë një taksë fikse prej 12.5 %.

Ekosistemi i Sipërmarrjes.

Për të  hedhur hapa të sigurt drejt zhvillimit të qëndrueshëm një shoqëri moderne duhet të ketë një Ekosistem Sipërmarrjeje të mirëorganizuar dhe të lidhur ngushtë me lojtarët e tjerë të zhvillimit si: qeveria, investitorët apo qendrat e edukimit.  Irlanda ka një rrugë të shndritshme për sa i përket zhvillimit socio-ekonomik. Ajo ka arritur t’i konkretizojë qëllimet e saja për krijimin e një ekosistemi të sipërmarrjes duke krijuar hapësira për kompani gjigande si Google , Facebook apo Twitter. Ky shtet sipërmarrës nuk ka ngurruar të investojë në qendra alternative të edukimit që janë të specializuara në trajnimin e sipërmarrësve studentë . Në këto qendra ka hapësira për kompanitë e reja për t’u financuar dhe drejtuar në rrugën e duhur të suksesit.

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0