SpaceX ka marrë përsipër të investojë 2 miliardë dollarë në xAI, startup-in e Elon Musk për inteligjencë artificiale, si pjesë e një raundi kapitali me vlerë totale 5 miliardë dollarë, raportoi të shtunën The Wall Street Journal, duke thelluar më tej lidhjet mes kompanive të miliarderit të teknologjisë, në një kohë kur xAI po nxiton të rivalizojë me OpenAI.
Sipas raportit, investimi vjen pas bashkimit të xAI me platformën X (ish-Twitter), dhe vlerëson kompaninë e bashkuar në 113 miliardë dollarë. Chatbot-i Grok, i zhvilluar nga xAI, tashmë përdoret për shërbimin ndaj klientit të Starlink, dhe është planifikuar të integrohet në të ardhmen edhe në robotët Optimus të Tesla-s.
Në një reagim ndaj një postimi në platformën X mbi mundësinë që edhe Tesla (TSLA.O) të investojë në xAI, Elon Musk u shpreh të dielën: “Do të ishte fantastike, por kjo varet nga miratimi i bordit dhe aksionarëve”, pa konfirmuar dhe as mohuar raportin e WSJ mbi planet e SpaceX për të financuar xAI.
Lexo edhe: Cila ekonomi europiane rrezikon më shumë nga tarifat e SHBA-së?
As SpaceX, as xAI dhe as Tesla nuk kanë dhënë ndonjë koment zyrtar në lidhje me këtë zhvillim, ndërkohë që Reuters nuk ka mundur të konfirmojë menjëherë informacionet e publikuara nga Wall Street Journal.
Pavarësisht polemikave të fundit që kanë shpërthyer lidhur me disa përgjigje të chatbot-it Grok, Musk ka vazhduar ta përshkruajë atë si “AI më inteligjente në botë”. Ndërkohë, xAI vazhdon të investojë agresivisht në trajnimin e modeleve dhe në ndërtimin e infrastrukturës së saj teknologjike.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
