Sipas organizatorëve, ky do të jetë edicioni me fluksin më të madh të njerëzve, sidomos turistëve nga mbarë bota që kanë konfirmuar pjesëmarrjen në HardhFest.
HardhCamp ku do të jenë të vendosura tendat tashmë janë rezervuar, 95 % prej të cilave janë të rezervuar nga ndërkombëtarët.
Edhe aspektet e tjera të organizimit, aktivitetet në qytet si dhe ambienti kryesor spektakolar i quajtur “Konak” pranë Stone Castle, është në përfundim të punimeve, ku edhe është ngritur skena e madhe ku do të mbahen performancat e artistëve dhe ku veraritë dhe vreshtarët do të mund t’i promovojnë produktet e tyre, krahas ambientit piktoresk në Rahovec.
“Përgatitjet janë në fazën finale dhe gjithçka është e planifikuar dhe e organizuar në detaje. Falëndroj Stone Castle që është partner gjeneral i pakontestueshëm në këtë edicion që do të jetë i përmasave të mëdha. Rahoveci ka një traditë të mikpritjes, andaj ju presim të gjithë për kokërr t’qefit në Rahovec më 2, 3 dhe 4 shtator”, u shpreh Emrullah Spahiu, kryesuesi i këshillit organizativ të Hardh Fest.
Agjenda e aktiviteteve është mjaft e ngjeshur për HardhFest, teksa të gjitha detajet mund të gjenden në faqen zyrtare në Facebook dhe në www.HardhFest.com.
Sofie Kastrioti do të performojë para adresimeve zyrtare, ku pasardhësja e Skënderbeut pritet t’i tregojë afinitetet e saj artistike para zyrtarëve institucionalë dhe mysafirëve të ftuar nga e gjithë bota.
Në natën e parë pritet të performojë Elita 5, bashkë me grupe e DJ të tjetër vendor e ndërkombëtar, teksa në natën e dytë më 3 shtator do të performojë Troja, i pari grup rock si edhe DJ dhe të tjerë artistë.
Burimi: telegrafi.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
