Nga Adelina Onuzi – Nëse deri dje garat elektronike në Shqipëri zhvilloheshin në internet-kafe të vogla apo në dhomat e lojtarëve, sot fjala eSports po fiton peshë tjetër. Turne të organizuara, ekipe të strukturuara, lojtarë që stërviten me orë të tëra dhe një federatë që po mundohet të vendosë themelet e një industrie të re.
Triumfi i fundit i Kosovës në Kampionatin Europian të eFootball ka ngritur pyetjen: A mund të jetë Shqipëria, e radhës në këtë listë fituesish? Dhe mbi të gjitha, a kemi infrastrukturën dhe vizionin për t’u futur seriozisht në këtë garë?
Për t’i dhënë përgjigje këtyre pyetjeve, biseduam me Sokol Nenajn, presidentin e Federatës Shqiptare të Sporteve Elektronike (FSHSE). Ai e njeh nga brenda jo vetëm pasionin, por edhe pengesat që shoqërojnë këtë industri.
“Gjatë 3-5 viteve të fundit, perceptimi për eSports në Shqipëri ka ndryshuar në mënyrë të ndjeshme. Nga një fenomen i perceptuar si thjesht argëtim, eSports është shndërruar në një industri në rritje me potencial ekonomik, arsimor dhe ndërkombëtar. Kjo është reflektuar në rritjen e interesit të të rinjve, organizimin e eventeve të strukturuara, dhe përfshirjen e mediave,” thotë Nenaj. “Sot, eSports në Shqipëri është më shumë sesa një trend social, është një sektor në zhvillim që kërkon investim dhe vizion afatgjatë.”
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
