SmartKids është programi më i ri arsimor dhe inovativ në Shqipëri, i cili lindi si nevojë për pasurimin e programeve konvencionale edukative në institucione arsimore si kopshte, shkolla fillore dhe të mesme në fushat më të fundit me interes të gjerë që po evoluojnë shpejt.
Baza e moduleve SmartKids, por edhe mjetet dhe metodologjitë që bashkëthemeluesit Kristina dhe Geiv përdorin, është teknologjia dixhitale dhe të gjitha lehtësitë që ajo ofron, duke filluar nga pajisjet fizike me të cilat fëmijët ndërveprojnë, deri te përmbajtjet teorike dhe praktike, burimet të cilat vijnë nga organizata, komunitete dhe kompani shumë prestigjioze në mbarë botën.
Lexo edhe:Zgjuarsi apo e kundërta? Ja çfarë kemi mësuar nga ChatGPT përgjatë 1 viti
Pjesëmarrës në Future2Tech, për BusinessMagazine Geiv Tomço, bashkë-themelues i SmartKids shprehet: “Smart Kids është një metodologji edukimi dhe shërbimi kryesor që bëjmë ne është kurse për fëmijët, si në shkolla apo edhe kopshte private, si dhe tek qendra që kemi hapur së fundmi Smart Space.Ne kombinojmë robotikën dhe programimin që të bëhet edhe më efektiv mësimi.
Ka pasur shumë interes, si nga prindërit, si nga fëmijët apo edhe vizitorë të tjerë që donin të kuptonin më shumë rreth zhvillimit të teknologjisë në Tiranë.
Nga viti i kaluar është 4fishuar klientela dhe është gjithmonë e në rritje dhe kjo tregon interesin dhe dëshirën e prindërve që fëmijët të angazhohen me teknologjinë dhe të jenë gjithmonë e më në rritje. Fëmijët në këtë formë rriten me edukatën që çdo projekt të vështirë ta ndajnë copëza të vogla dhe të mos i duket aq e pabëshëm si projekt. Ky zakon fuqizohet akoma edhe më shumë kur ata i futen karrierës dhe zgjedhin rrugën e jetës”-përfundoi fjalën z.Tomço.
Intervistën e plotë mund ta shihni edhe në YouTube:
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
