Ndoshta në të ardhmen, për shkak të avancimeve në Inteligjencën Artificiale (AI), asnjëri prej nesh nuk do të ketë më nevojë për punë, por sfida më e madhe do të jetë gjetja e kuptimit të jetës, tha sipërmarrësi amerikan Elon Musk.
Gjatë një videokonference në Vivatech në Paris, ai shpjegoi se për të arritur një të ardhme të tillë janë të domosdoshme “të ardhurat bazë universale”.
Sipas Musk, njerëzit do të mund të punojnë vetëm nëse dëshirojnë, por nuk do të jetë e nevojshme.
“Nëse dëshironi të bëni një punë si një hobi, mundeni, por AI dhe robotët do të prodhojnë të gjitha mallrat dhe do të ofrojnë të gjitha shërbimet që ju duhen,” tha themeluesi i Teslës.
Lexo:Elon Musk says AI will take all our jobs
Gjithashtu, ai shprehu shqetësimin e tij për përparimin e AI-së dhe i këshilloi prindërit të monitorojnë përdorimin e mediave sociale nga fëmijët e tyre, pasi këto platforma janë “projektuar nga AI për të maksimizuar prodhimin e dopaminës.” Musk ka deklaruar më parë se AI më inteligjente se njeriu do të jetë e disponueshme deri në vitin 2026.
Drejtori i Përgjithshëm i Baidu, Robin Li, shprehu një pikëpamje të ndryshme në konferencën Vivatech, duke thënë se modelet më të avancuara të AI-së së sotme janë ende larg arritjes së inteligjencës njerëzore.
Li beson se do të duhen të paktën dhjetë vjet që AI të arrijë dhe të tejkalojë inteligjencën njerëzore.
Përndryshe, Inteligjenca Artificiale është simulimi i proceseve të inteligjencës njerëzore nga makinat, veçanërisht nga sistemet kompjuterike. Aplikimet specifike të AI përfshijnë sistemet ekspertësh, përpunimin e gjuhës natyrore, njohjen e të folurit dhe vizionin e makinës.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
