Një prej kompanive të liçencuara për arka fiskale në Kosovë ka për drejtor një person të akuzuar në Shtetet e Bashkuara të Amerikës (SHBA) për një skemë mashtrimi multimilionëshe.
Imer Shahini akuzohet për mashtrime financiare në Nju Jork së bashku me 6 persona të tjerë.
Mes tyre Jason Galanis, me të cilin ka të regjistruar edhe në Kosovë një kompani që merret me ndërmjetësim në afarizmin e tregjeve financiare, në shërbimet e ndërmjetësimit për letra me vlerë dhe kontrata të mallit, nxjerrje të naftës së papërpunuar, aktivitete mbështetëse për nxjerrjen e naftës dhe gazit natyror, etj.
Kompania “Dorian & Pan Illyrian partnership L.L.C.” është regjistruar në Kosovë në vitin 2010.
Shahini me kompaninë “Printec” ka fiskalizuar një pjesë të bizneseve të Kosovës. Kompania e tij është në mesin e katër kompanive të liçencuara për arka fiskale.
Megjithë akuzat ndaj tij Shahini vazhdon të jetë i lirë falë një shkronje. Në SHBA ai është i regjistruar me Ymer ndërsa në Kosovë me Imer.
/Telegrafi/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
