Si të shmangni shtrëngimin e duarve?


Shtrëngimi i duarve duhet shmangur, sidomos pas shpërthimit të virusit Corona. Gjatë javëve dhe muajve të ardhshëm, do t’a gjeni veten duke takuar njerëz të rinj ose duke u ribashkuar me kolegë pune ose klientë që nuk i keni parë për një kohë të gjatë. Si mund ta menaxhoni këtë situatë potencialisht të vështirë? Këtu janë disa gjëra për t’u mbajtur në mend.

Pranoni që do të jetë e sikletshme

Ndërsa përshëndetjet janë zakonisht gjeste të vogla, ato mund të mbajnë shumë peshë. “Kur dikush ju zgjat dorën dhe ju vendosni ta refuzoni atë, po shkelni normat sociale”, thotë Andy Molinsky, profesor në Brandeis dhe autor i Global Dexterity: Si të përshtatni sjelljen tuaj në të gjitha kulturat pa humbur veten në proces. “Kundërvajtjet e normave profesionale si këto mund të jenë të bezdisshme sepse veprimet e tua prishin rutinën dhe skenarin e mënyrës sesi supozohet të shprehësh një përshëndetje të ngrohtë,” thotë ai.

Gjithashtu, është një “mikro-refuzim”, i cili mund të jetë i pakëndshëm dhe i rrezikshëm. Ju mund të shqetësoheni se po krijoni një përshtypje të keqe ose po dërgoni një mesazh jo-miqësor. Kjo mund të jetë edhe më sfiduese në kulturat ku njerëzit  me status më të lartë presin të përshëndeten në mënyrën që dëshirojnë. Është e vështirë që të kuptosh se cila është mënyra më e përshtatshme për t’u ndjerë rehat të dyja palët. Një prekje bërryli, këmbe apo thjesht një përshëndetje?

Vendosni para kohe se çfarë ju bën të ndiheni rehat

Para se të shkoni në një takim ose të përshëndetni dikë të ri, mendoni se çfarë dëshironi të bëni. Të keni një plan do t’ju japë besim dhe potencialisht do ta bëni situatën më pak të vështirë. “Në konferencën e javës së kaluar, u mësova ta mbaja dorën në xhep dhe duke thënë, me një buzëqeshje në fytyrën time: ‘Unë mendoj se nuk do të duam të shtrëngojmë duart tani’. Ky formulim më ndihmoi të zbusja refuzimin e dhënies së dorës dhe mundësoi një njohje të përbashkët të situatës aktuale. Pasi e kisha bërë një herë, u ndjeva më rehat duke e përsëritur këtë gjest gjatë gjithë ditës”, shkruan Amy Gallo, për HBR.

Maggie Stieg, një përfaqësuese e Ariel Group, një organizatë që ofron trajnime për udhëheqjen dhe prezencën, ndau një mësim që kishte mësuar në Emiratet e Bashkuara Arabe. Programi përfshinte një ushtrim për shtrëngimin e duarve. “Ne hulumtuam mënyrat sesi gratë arabe ua tregojnë të tjerëve se nuk shtrëngojnë duart. Një nga metodat që funksionoi më mirë ishte thjesht vendosja e dorës së djathtë në gjoks (si në pozicionin e premtimit të besnikërisë ndaj flamurit). Asnjë fjalë nuk dukej më nevojshme me atë sjellje”, shpjegoi ajo.

Molinsky tha se ai po vëzhgonte njerëzit duke tundur dorën në formë përshëndetjeje, në një distancë pak më të largët dhe më pas fusnin dorën në xhep. Ai e provoi disa herë vetë dhe thotë se është një mënyrë për të “sinjalizuar joverbalisht se ne do të heqim dorë nga rituali normal”.

Bëni humor për të pakësuar shqetësimin

Meqenëse ju jeni duke shkelur një normë, mund të jetë e dobishme t’i jepni pak ngjyra situatës. “Në udhëtimin me aeroplan në shtëpi nga konferenca ime, personi që ishte ulur pranë meje dhe unë, nxorrëm njëkohësisht dezinfektuesit duke prekur rastësisht bërrylat. Ai tha: ‘Kjo është ajo që ne do bëjmë tani’, situatë, e cila ishte e mjaftueshme për të na bërë të dyve të qeshnim  dhe të ndihheshim sikur jemi bashkë në këtë që po ndodh.

Sigurisht, humori nuk duhet të bëhet kurrë në kurriz të ndokujt ose të ndonjë grupi, por për sa kohë që është me qëllim të mirë dhe synon komunimin, është një mënyrë e bukur të pranosh që të gjithë ne po sillemi ndryshe këto ditë”, shkruan Amy Gallo.

Shmangni gjykimin

Nisur nga rrethanat aktuale, me siguri nuk do të keni nevojë të kërkoni falje për mosgatishmërinë tuaj për të shtrënguar duart edhe pse mund  të doni. Një nga arsyet që kjo është potencialisht e vështirë, është se refuzimi për të shtrënguar dorën e dikujt mund të shkaktojë gjykime: “Unë jam duke bërë punën më të mirë duke u kujdesur për veten time” apo “A jeni me të vërtetë germofob (të fiksuar pas pastërtisë)?” “Në vend që të shqetësoheni se si sjellja juaj duket tek të tjerët, pranoni që të gjithë jemi në një rrezik dhe pasiguri të vazhdueshme”, thotë Molinsky.

Disa njerëz ndjehen më të qetë me një shtrëngim duarsh dhe të tjerë preferojnë një prekje bërryli, ndërsa disa të tjerë dëshirojnë të shmangin kontaktin fizik. Ka arsye të mundshme që nuk i dini – ose duhet t’i dini – që lidhen me zgjedhjet e tyre, si një problem shëndetësor ose një sfond kulturor. Molinsky thotë t’ia kujtojmë vetes në këto momente se “nuk ka vend për gjykim; ne jemi thjesht në skaje të ndryshme të një spektri”.

Rezervimi i gjykimit dhe mos-shqetësimi për atë që të tjerët mendojnë për ju është këshillë e mirë në çdo kohë dhe veçanërisht e rëndësishme tani kur stresi dhe ankthi janë rritur. Bëni atë që ndiheni rehat dhe supozoni se të tjerët do ta kuptojnë. Në fund të fundit, ne jemi të gjithë bashkë në këtë situatë.  

Harvard Business Review

 

 

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale