Si të optimizoni SEO? Webinar me 30 Janar - Business Magazine Albania

Si të optimizoni SEO? Webinar me 30 Janar

~4 minuta lexim



Në fund të këtij muaji, me 30 Janar, do të zhvillohet një Webinar për të optimizuar faqen tuaj të internetit. Webinar, i cili do të drejtohet nga Granit Doshllaku, synon të rrisë numrin e vizitorëve në blogun apo faqen e biznesit tuaj.

Shpesh mund të kemi provuar të rrisim vizitorët nëpërmjet mediave sociale, por kemi pasur rezultate të dobëta pasi njerëzit nuk i klikojnë ato? Një tentativë janë SEO-t që nuk kanë dhënë rezultatin e dëshiruar.

Granit Doshllaku, i pyetur nga Businessmag, thotë se ideja për këtë Webinar erdhi nga Elvis Plaku, konsulent i marketingut digjital. “Me të u takuam në AllWeb Albania dhe aty lindi ideja që një version të prezantimit që bëra në konferencë, ta bëjmë dhe në një Webinar, ku kushdo që është i interesuar mund të regjistrohet dhe ta ndjekë online.

Tema që do të trajtohet në këtë Webinar është se si të ndërtojmë një strategji për krijimin e përmbajtjes të optimizuar për SEO. Search Engine Optimization (SEO) është burimi #1 i vizitave për websajte në të gjithë botën dhe sot të pasurit një prezencë solide në këtë kanal të marketingut digjital, është një domosdoshmëri.

Lexo: Granit Doshlaku, folës në AllWeb Albania 2019: “Fokusohuni tek SEO”

Prezantimi do të jetë pak më teknik në raport me një prezantim në sallë, (meqe do të jetë përpara laptopit dhe jo në skenë sikurse në AllWebAL). Graniti do të shfaqë disa shembuj nga puna e tij dhe e grupit që bëjnë të Manaferra (agjensia në Prishtinë, e specializuar në Search Marketing). Ai tregon se do të shpjegojë në detaje procesin që ndiqet dhe platformat që përdoren për të sjellë rritje të vizitave dhe shitjeve nga trafiku organik (SEO).

Ky Webinar është për këdo që ka një website dhe është i interesuar të mësojë se si të rrisë vizitat nga Google për website/biznesin e tij. “Strategjitë që do të diskutojmë nuk janë të komplikuara dhe çdo person me aftësi bazike mund t’i implementojë në projektet që punojnë pa ndonje problem”, thotw Graniti.

Aktiviteti është i hapur dhe pa pagesë për këdo që dëshiron të regjistrohet dhe ndjekë nëpërmjet internetit.

Ku: WebinarNinja.com

Kur: 30 janar 2020, Ora 18:00-19:00

Si: Pa pagesë, por nevojitet regjistrim

Për kë është ky prezantim:

  • Sipërmarrës që menaxhojnë faqen e tyre në web;
  • Sipërmarrës të lirë (freelance) që disponojnë faqe në internet;
  • Specialistë të marketingut dixhital që dëshirojnë të rrisin vizitorët nga SEO;
  • Studentë që duan të lançohen në botën dixhitale;
  • Kushdo tjetër që ka interes.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0