Shumë profesionistë ëndërrojnë të krijojnë diçka të tyre përveç punës së përditshme, qoftë për të siguruar të ardhura shtesë, qoftë për të zhvilluar aftësi drejtuese. Por si mund ta bësh këtë pa lënë punën që ke? Caroline Ceniza-Levine, eksperte e karrierës, jep pesë hapa praktikë për të nisur një biznes paralel ndërsa punon full-time:
1. Zgjidh idetë e mundshme të biznesit
Filloni duke identifikuar pasionet dhe aftësitë tuaja. Nëse jeni të interesuar në modë, mund të shqyrtoni styling, shitje, riparime ose konsignim. Pastaj zgjidhni idetë që përputhen me kohën, burimet dhe qëllimet tuaja.
2. Testo idetë në mënyrë të sigurt
Pa shpenzuar shumë para, provoni mënyra për të kuptuar nëse ideja juaj funksionon. Për shembull, ofroni një sesion stilimi për një mik ose bisedoni me profesionistë në fushë për të mësuar më shumë.
3. Zgjidh një test për ta nisur menjëherë
Vepro menjëherë për të marrë feedback real. Një test i vogël tregon nëse do të doni dhe mund të menaxhoni biznesin në praktikë, dhe çfarë duhet të përmirësoni.
4. Rishiko, përsos dhe përsërit
Nëse testimi funksionon, vazhdoni të provoni më shumë ide, intervistoni pronarë të tjerë biznesesh dhe mësoni nga praktikat që tashmë ekzistojnë në treg.
5. Krijo strukturë për të ruajtur momentum
Ndërsa biznesi rritet, ndihmon vendosja e orarit, objektivave afatshkurtra dhe afatgjata. Kjo ju ndihmon të balanconi punën, jetën personale dhe zhvillimin e sipërmarrjes suaj, pa u mbingarkuar.
Këshillë shtesë: Kontrolloni që biznesi paralel të mos krijojë konflikt me punën ekzistuese dhe përdorni vetëm burime personale për zhvillimin e tij.
Fillimi i një biznesi nuk kërkon të japësh menjëherë punën. Me planifikim dhe hapa praktikë, mund të ndërtoni diçka të suksesshme dhe të siguroheni që puna juaj nuk do të ndikohet negativisht.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
