Si të mbroni veten nga energjia negative? - Business Magazine Albania

Si të mbroni veten nga energjia negative?

~5 minuta lexim


Nuk është e lehtë të jesh i rrethuar me negativitet. Por përtej kësaj, ai mund të jetë mjaft toksik dhe i dëmshëm, duke nxitur cinizëm, fatalizëm dhe madje edhe zhgënjim.

Nëse jeni të rrethuar nga energjia negative që vjen nga një bashkëpunëtor, partner, mik apo anëtar i familjes, duhet të dini se si të mbroheni, pa u angazhuar.

Ja 6 strategji të fuqishme që mund të përdorni për t’u mbrojtur:

1. Fokusohuni te zgjidhjet, jo te problemet.

Njerëzit negativë kanë tendencë për të shpenzuar më shumë kohë me problemet, se sa me zgjidhjet. Kjo i bën që zakonisht të ankohen shumë, të qortojnë, të shprehin pakënaqësi. Për të qëndruar pozitivë, duhet të fokusoheni në krijimin e zgjidhjeve që funksionojnë. Nëse ndeshni në rezistencë, shihni pikat e forta ku mund të mbështeteni apo edhe hapat e thjeshtë për të marrë vrullin fillestar.

2. Mos ushqeni dramën.

Njerëzit negative kanë nevojë për dramë në jetën e tyre, po aq sa kanë nevojë për oksigjen. Që mos t’iu “marrin frymën” rrini larg prej tyre, qëndroni pozitivë e optimistë dhe refuzoni karremin, sado joshës të jetë. Punoni për t’i mbajtur gjërat në kohë, të organizuara dhe të qeta. Kur bëni këtë, nuk u jepni atyre asgjë për t’u marrë.

3. Shikoni kufijtë tuaj.

Është një fakt i trishtë i jetës, që ju jeni më mirë nëse disa njerëz dalin nga jeta juaj. Por ju nuk mund të arrini të bëni gjërat që doni në jetë, në qoftë se jeni të rrethuar nga energjia negative – një nga forcat më toksike dhe ngjitëse në botë. Krijo dhe ruaj kufijtë nga cilido që dëshiron t’ju thyej edhe në qoftë se është një anëtar i familjes, ose dikush që mendon se është miku juaj.

4. Mos u përpiqni të ndreqni këdo dhe gjithçka.

Nëse e gjeni veten duke bërë për të tjerët gjëra që ata mund dhe duhet t’i bëjnë për veten e tyre, ju nuk jeni duke ndihmuar. Ndonjëherë ne mund të prodhojmë pa dashje energji negative, duke mbajtur njerëzit, kur ata dinë se si të ecin vetë, ose përpiqemi që të ndreqim njerëzit, kur ata nuk janë aspak “të thyer”. Mëso se kur duhet të hiqesh mënjanë.

5. Përgjigju, por mos reago.

Një përgjigje rrjedh nga qartësia mendore dhe forca emocionale dhe është zgjedhur për të prodhuar një rezultat të dëshiruar; ndërkohë që një reagim është një refleks i pakontrollueshëm, që rrjedh nga impulset e mbijetesës të bazuar mbi frikën. Qëndro larg reagimeve të pamenduar, dhe mëso të përgjigjesh me mend përballë energjisë negative.

6. Kujdesu për veten.

Nuk mund të kujdeseni për të tjerët, nëse nuk mund të kujdeseni për veten. Nuk është egoiste të duash veten, të kujdesesh për veten, apo t’a bësh lumturinë tënde një përparësi. Mësimi dhe praktikimi i kujdesit për veten do t’iu ndihmojë të qëndroni me këmbë në tokë dhe të fortë, kur ballafaqoheni me energji negative.

Mos nënvlerësoni dëmin që mund të shkaktojë energjia negative. Mëso se si të mbrohesh dhe bëje me zgjuarsi.

/INC.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0