Si të balancojmë punën dhe studimet? - Business Magazine Albania

Si të balancojmë punën dhe studimet?


Merr ndihmën e familjes dhe të miqve– Nëse e keni seriozisht punën e studimeve është e rëndësishme të keni mbështetjen e njerëzve tuaj më të afërt. Flisni me partnerin tuaj, familjen dhe miqtë dhe tregojuni atyre sa e rëndësishme është për ju. Në këtë mënyrë ata do të kuptojnë se ju nuk do të keni më aq shumë kohë sa keni patur.Flisni me punëdhënësin tuaj– E rëndësishme është që punëdhënësi juaj ta dijë për planet dhe qëllimet tuaja. Kështu ju do të keni mirëkuptim dhe mbështetje.

Maksimizoni kohën tuaj– Në shikim të parë mund të duket se jeni vazhdimisht të zënë por në realitet shumica prej nesh kanë periudha gjatë ditës, ku mund të jemi akoma më produktiv. Televizioni mund të jetë një shterim kohe, kështu duhet të planifikoni orarin tuaj dhe të shikoni ato emisione që vërtet janë të rëndësishme për ju.

Zbuloni pikat tuaja të forta– Stilet e të mësuarit të njerëzve ndryshojnë thellësisht, diçka që funksionon për dikë nuk funksionon për dikë tjetër.Për shembull nëse performanca juaj është më e mirë në mëngjes atëherë duhet të lini disa ditë në javë një orar për të mësuar. Çelësi është të gjeni çfarë funksionon për ju dhe pastaj të planifikoni kohën tuaj.

Krijoni një kohë studimi- Nëse është e mundur, vendosni një kohë për t`ja kushtuar studimit. Ju mund të studioni në shtëpi, biblotekë apo kudo tjetër që mundeni. Ndarja e kohës së studimit dhe pjesës tjetër të ditës do ju ndihmojë të angazhoni trurin tuaj dhe të jeni në humor për të mësuar.

Për ta përmbledhur, pjesa më e vështirë për kombinimin e punës me studimin është vendimi se kë të vemë në vend të parë. Sapo të filloni të planifikoni oraret tuaja, do ta kuptoni se nuk është aq e vështirë sa e kishit imagjinuar. Studimi nuk do të thotë që të marrë gjithë jetën tuaj, disa orë çdo javë janë më se të mjaftueshme.

/ekonomiaonline.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0