Sipas Shoqatës Psikologjike Amerikane, më shumë se 1/3 e njerëzve janë të stresuar vazhdimisht. Edhe vet procesi i largimit të stresit mund të jetë stresues.
Por, sigurisht që ka zgjidhje. Më poshtë kemi renditur për ju disa mënyra të thjeshta që mund t’ju ndihmojnë të largoni stresin.
1.Përtypni çamçakëz
Kur jeni të stresuar, trupi juaj lëshon një hormon të quajtur kortizol. Por, kur përtypni çamçakëz studimet tregojnë se niveli i kotizolit dhe stresit bie.
Një studim vëzhgoi dy grupe njerëzish, të cilët ishin të stresuar pasi kishin shumë detyra për të bërë. Ata që përtypnin çamçakëzat shfaqën një reduktim të ndjeshëm të stresit, ankthit dhe nivelit të kortizolit, ndërsa pjesa tjetër nuk pati ndonjë ndryshim.
2. Shtoni pak gjelbërim në ambientin tuaj të punës
Sipas një studimi, një bimë e vogël mbi tavolinën e punës mjafton për të reduktuar stresin dhe për të përmirësuar shëndetin tuaj. Prania e bimëve ndikon në reduktimin e luhatjeve të humorit.
3. Konsumoni fara të kungullit
Farat e kungullit janë të pasura me magnez, një nga mineralet me të rëndësishme për trupin. Magnezi ka shumë dobi biologjike të provuara shkencërisht, duke përfshirë rritjen e humorit dhe lehtësimin e stresit.
4. Aktivizoni syrin e tretë
Akupunktura njihet shkencërisht si mënyra më e mirë për të ulur stresin. Ajo ndihmon në hapjen e kanaleve të bllokuara të energjisë brenda trupit.
Pika kryesore për lehtësimin e tensionit është në mes të vetullave tuaja, ku ura e hundës tuaj takon ballin. Ndryshe kjo pikë njihet si syri i tretë. Ju mund ta aktivizoni duke shtypur me gisht këtë vend ose duke e bërë masazhe të vogla, nga 30 sekonda deri në një minutë.
Pra, kur niveli i stresit rritet, provojeni njërin nga këto truke. Mendoni për to si mjete në kutinë e veglave. Dhe mbani mend, sa më mirë që ta menaxhoni stresin, trupi juaj merr një bonus.
/INC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
