Periudha e COVID-19 na mësoi se dhe nga shtëpia mund të jemi produktiv, por me kalimin e kohës kompanitë nisën të përshtateshin dhe të riktheheshin në zyrat e tyre, ndonjeherë edhe sepse u mungonte periudha e diskutimeve direkte me kolegët, pa pasur ndërmjet një ekran. Megjithatë, një studim i fundit nga Universiteti i Torontos ka nxjerrë në pah një përfitim të rëndësishëm të punës në distance, mbrojtjen e grave nga diskriminimi gjinor.
Lexo gjithashtu: 7 platformat më të mira për kurse online, si të zgjidhni atë që ju përshtatet më shumë?
Sipas raportit të publikuar në dhjetor 2024, nga mbi 1,000 gra të anketuara, 31% raportuan se kishin përjetuar diskriminim gjinor në vendin fizik të punës, ndërsa kjo përqindje u ul në 17% për gratë që punonin në distancë. Studimi është pjesë e një serie më të gjerë kërkimesh që theksojnë avantazhet e punës më distancë për gratë, përfshirë pjesëmarrjen më të lartë në tregun e punës dhe mundësinë për të balancuar më mirë kujdesin për fëmijët.
Megjithatë, autorët e studimit paralajmërojnë se puna në distancë nuk është një zgjidhje përfundimtare ndaj diskriminimit në vendin e punës, por të dhënat tregojnë një reduktim të ndjeshëm të rasteve të tij.
Lexo gjithashtu: 3 libra që do t’ju afrojnë më shumë me suksesin!
Një tjetër shembull i fuqizimit të grave në vendin e punës vjen nga industria e prodhimit të tequilës në Meksikë. Melly Barajas, e njohur si “Mbretëresha e Tequilës”, ka ndërtuar një kantinë të suksesshme, Leyenda de Mexico, duke punësuar vetëm gra. Fillimisht, nuk ishte një zgjedhje e qëllimshme , por për shkak të emigrimit të burrave në kërkim të mundësive ekonomike, gratë lokale ishin të vetmet që aplikuan për punë. Sot, kantina e saj prodhon 20,000 litra tequila në ditë dhe është një shembull i fuqizimit të grave në një industri tradicionalisht të dominuar nga burrat.
Sipas Barajas, gratë i sjellin një vlerë të shtuar industrisë së tequilës: “Dikur ndihesha e vetme në takimet e industrisë ku ishin vetëm burra. Tani, shoh gjithnjë e më shumë gra që marrin drejtimin e fabrikave dhe kjo është një ndryshim i madh pozitiv.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
