Si e ndërtoi djaloshi 16 vjeçar biznesin 600,000$ të kravatave
Përditësuar së fundmi: 14/11/2017

Si e ndërtoi djaloshi 16 vjeçar biznesin 600,000$ të kravatave

Share
nga Neada Muçaj
Nën 14, 2017

Kur Moziah “Mo” Bridges ishte një djalë i vogël, ai vishte kostume në parkun e lojërave. Atij i pëlqente të vishej mirë, por i urrente kravatat që shiteshin në dyqane, prandaj krijoi një kompani për të zgjidhur këtë problem, kur ishte vetëm 9 vjeç.

Biznesi i Bridge, Kravatat e Mo-së (Mo’s Bows), bën kravata, papjone dhe aksesorë duke filluar nga 15 deri në 50 dollarë. Që nga krijimi në vitin 2011, kompania ka shitur më shumë se 600,000 dollarë produkte, përmes faqes së internetit dhe bashkëpunimit me dyanet e ndryshme. Sot Bridge është 11 vjeç.

Kur Bridgesit i lindi ideja për kompaninë Kravatat e Mosë, gjyshja e tij një ish-rrobaqepëse, e mësoi se si të qepte. Fillimisht, Bridges, mamaja dhe gjyshja e tij i punonin vet kravatat dhe e drejtonin biznesin nga shtëpia. Djaloshi i ri, mori vëmendjen e mediave kombëtare si:

The Steve Harvey Morning Show dhe Revistës Oprah përpara se të dilte në programin Shark Tank në vitin 2014. Aty ai mori dhe investimin më të mirë.

Ai kërkoi 50,000 dollarë në këmbim të 20% të aksioneve në kompaninë e tij, por Daymond John e këshilloi sipërmarrësin e ri të mos kërkonte para dhe i ofroi mentorim falas. Kjo marrdhënie i ka hapur atij shumë dyer, duke lidhur kontrata me kompani të njohura.

“Ai më mësoi se si të kujdesesha për mamanë time dhe aspektet më praktike për të drejtuar një kompani,” thotë Bridges.

Bridges po përballet me sfida unike si një sipërmarrës i ri. Një nga gjërat më të vështira është gjetja e ekuilibrit në jetën e tij, pasi njëkohësisht ai është student në vitin e dytë në shkollën e mesme.

“Unë e di çfarë dua të bëhem në të ardhmen,” thotë ai.

Për disa mund të duket e çuditshme, ndërkohe për ne është frymëzuese por jo e paarritëshme. Edhe vendi ynë ka të rinj të talentuar, me ide që mund të krijojnë startupe të suksesshme. Ajo qe nevojitet është pak mbështetje, e ngjashme me ate te Shark Tank që në vendin tonë ngjason me programin “Do you have an idea”. Një program i veçantë, të cilin ne e kemi ndjekur dhe ju kemi njohur më shumë ide biznesesh dhe të rinj të apasionuar pas sipërmarrjes.

/INC