Në zonat e gjelbra do të lejohet qarkullimi me automjete private pa nevojë për autorizim, deri në orën 21:00. Ndërsa në zonat e kuqe lejohet qarkullimi me autorizim deri në orën 17:30.
Qytetarët mund të lëvizin në këmbë, pa pasur nevojë për t’u pajisur me leje, në zonat e gjelbra. Ata këshillohen të pajisen me masa mbrojtëse dhe të ruajnë distancat.
Në zonat e gjelbra ndalohet grumbullimi i më shumë se pesë personave, aktivitetet kulturore e sportive të çdo lloji, transportin publik si edhe bizneset që janë ende të mbyllura.
Lexoni: Autoshkollat hapen me dy faza
Më 11 maj, në të gjithë vendin do të hapen parukeritë, berberët, klinikat dentare dhe dyqanet në qendrat tregtare, si edhe do të lejohet lëvizja me makina private pa autorizim brenda qytetit.
Të riatdhesuarit do të karantinohen në banesë.
Nga 20 prilli, kur nisi hapja graduale e vendit e deri më tani është lëjuar qarkullimi i makinave me autorizim brenda qytetit, ecja e këmbësorëve me leje, për 2 orë brenda orës 17:30. Janë hapur të gjitha dyqanet e shitjes me pakicë, si dhe lejohet shërbimi i dërgesave i restoranteve dhe bareve. Lejohet shërbimi taksi brenda qytetit si dhe ndërqytetas me 2 persona të së njëjtës familje.
Në vendin tonë, në total ka 868 të infektuar, prej tyre 650 janë shëruar, 31 kanë vdekur, dhe 198 të infektuar aktivë. Prej 10 ditësh në vend nuk ka asnjë viktimë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
